Генералниот секретар на ОН Бан Ки Мун изрази загриженост поради ситуацијата во појасот на Газа,за што телефонски разговарал и со палестинскиот претседател Махмуд Абас и шефот на преодната влада Салам Фајад,како и со јордански претставници.Поради драматичната хуманитарна состојба на луѓето во Газа израелскиот министер за одбрана дал дозвола за влез на одреден број Палестинци,кои бегаат пред Хамас за преку Израел да стигнат до Западниот брег. Египет најави преместување на својата амбасада од Газа во Рамала,на Западниот брег.