Постигнување групен имунитет преку инфекции е „неетички“
СН/агенции
13 октомври 2020
Светската здравствена организација предупредува од потпирање на „имунитетот на стадо“ преку масовно заразување во борбата против коронавирусот. Таквиот пристап би бил етички и научно проблематичен.
Фотографија: picture-alliance/dpa/KEYSTONE/J. C. Bott
Реклама
Светската здравствена организација оцени дека е незамисливо оти коронавирусот ќе биде оставен слободно да циркулира во општеството за да може кај населението, како што некои сугерираа, да се создаде групен имунитет.
„Никогаш во историјата на јавното здравје, колективниот имунитет не е користен како стратегија против некоја епидемија, а уште помалку против пандемија. Тоа е научно и етички проблематично“, изјави генералниот директор на СЗО, Тедрос Аданом Гебрејесус.
Над 38 милиони се заразени, а повеќе од милион луѓе во светот починаа од коронавирусот од појавата на болеста во Кина на крајот на декември 2019 година.
Гебрејесус изјави дека светот сѐ уште не знае доволно за имунитетот кој ќе го стекнат оние кои го имале коронавирусот и додаде оти некои биле двапати инфицирани.„Поголемиот број од заразените стекнуваат имунитет во првите недели, но сѐ уште не знаеме дали тој имунитет е силен и траен, ниту дали се разликува од лице до лице“, додаде Гебрејесус.
Држење дистанца- креативно!
Многу експерти нагласуваат дека и по доаѓањето на вакцината најважните заштитни мерки против коронавирусот- маските и физичката дистанца- уште некое време ќе бидат секојдневие. Но, тие можат да се следат и покреативно.
Фотографија: picture-alliance/dpa/A. Dedert
Љубов на далечината
Да се оствари пријатно познанство или да се флертува со убава девојка или убаво момче седејќи на клупа? Зошто да не! Само не заборавајте да држите дистанца. Оваа клупа укажува дури и колкава.
Фотографија: picture-alliance/ANP/B. Grösse
Мечиња на маса
Во моментов, во многу ресторани во Германија, на секоја втора маса има натпис „Ве молам, не седнувајте“. Сопственикот на ресторанот „Beef'n Beer“ во Хофхајм на Таунус го решил овој проблемот духовито: на секоја маса на која не треба да се седи ставил плишни мечиња.
Фотографија: picture-alliance/dpa/A. Dedert
Во друштво на кралицата
Ресторанот „Клостервирт“ во центарот на Минхен избра друга опција. Од 25 мај тука можете да вечерате со британската кралица и со други светски познати личности. Големи фотографии од нив „седат“ на масите кои треба да останат празни.
Фотографија: picture-alliance/dpa/P. Kneffel
Максималната шапка на Максима
Шапката со широк обод ќе ви помогне да држите дистанца со стил. Каква што е, на пример, оваа шапка на кралицата на Холандија Максима. Иако е пожелно таа да биде уште поголема.
Фотографија: picture-alliance/Dutch Photo Press/P. van Katwijk
Разреден аудиториум
Драмскиот театар „Берлински Ансанбл“ во германската престолнина се подготвува повторно да ја пречека публиката. Но, сè уште не во целост. За идните настапи одлучија значително да ги „разредат“ редовите со места за гледачите.
Фотографија: picture-alliance/dpa/B. Pedersen
Во својот круг
За да не се преполнат одморалиштата во парковите и тревниците, властите во германскиот градХајделберг решија да исцртаат кругови на тревата со креда. Ем безбедно, ем сите спокојни.
Фотографија: picture-alliance/dpa/U. Anspach
Куче со елизабетанска јака
И сопственикот носи маска, и кучето е заштитено со јака, која им е позната на многу љубители на кучиња и пред пандемијата на коронавирусот. Се нарекува ветеринарна или елизабетанска јака или конус. И сопственикот може да носи нешто слично (ако сака!).
Фотографија: picture-alliance/NurPhoto/A. Widak
Плисирани здолништа
Овие меки здолништа (добро, можеби малку потесни) се носеа во ерата на англиската кралица Елизабета I. Со нив, растојанието е загарантирано!
Фотографија: picture-alliance/dpa/A. Marchi
Држете го клунот на растојание
Ова е маска од познатиот карневал во Келн. Слични се носеле уште во Средниот век. Но, тогаш се верувало оти со нив се заштитувале од чума. Сега - од коронавирусот.
Фотографија: picture-alliance/Geisler-Fotopress
9 фотографии1 | 9
Имунитетот на стадо- тема уште од почетокот на пандемијата
Од избувнувањето на пандемијата на коронавирусот, постојано се слушаат гласови во корист на постигнување на колективен имунитет, како најдобар начин да се стави крај на глобалната корона-криза. Но, оваа идеја отсекогаш била одбивана од други научници, а исто така и од повеќето државници, поради огромните ризици, како за ранливите групи, така и за општата популација.
Во минатата недела, меѓутоа повторно, неколку научници од САД и од Велика Британија започнаа кампања за колективен имунитет преку инфицирање. Во заедничката изјава тие се спротивставуваат на строгите мерки за ограничување на пандемијата на коронавирусот. Авторите тврдат дека сегашната „политика на карантин“ ќе има „разорни ефекти врз јавното здравје“ на краток и на долг рок. Како примери, тие наведуваат „пониски стапки на вакцинација кај децата, влошениот тек кај кардиоваскуларни болести, помалку прегледи за скрининг на карцином и влошување на менталната состојба“ кај луѓето. Сето ова ќе доведе до „зголемена смртност“ во следните години.
