Преговорите околу ревизијата на учебниците по историја, предвидена со Договорот од Преспа, напредуваат, јавуваат грчките медиуми повикувајќи се на кажаното на министерскиот состанок во Солун во изминатите два дена.
Фотографија: picture-alliance/dpa/P. Ending
Реклама
Според грчкиот весник Екатимерини високи претставници на Грција и на Македонија соопштиле дека е остварен напредок во преговорите за воведување измени во учебниците во двете земји, во рамките на напорите за ставање крај на непријателствата меѓу нив.
Во рамките на Договорот од Преспа , двете страни се обврзаа дека ќе преземат низа мерки во насока на воздржување од непријателски активности и реторика. Слични иницијативи неодамна се покренати и меѓу Грција и Албанија и меѓу Македонија и Бугарија. За напредокот околу ова прашање беше разговарано на состанокот на министрите за надворешни работи Грција, Бугарија, Македонија и на Албанија кој се одржа во Солун.
#dw_BalkanBooster: Договорот од Преспа и учебниците
03:07
This browser does not support the video element.
„Историјата треба да биде можност за учење во училиштата а не (ментален) затвор“ изјави заменикот шеф на грчката дипломатија Јоргос Картугалос. Инаку и грчката и македонската опозиција остро се спротиставуваат на Договорот од Преспа.
На 4. министерски состанок од ваков формат во Солун покрај Картугалос, учествуваа и министрите за надворешни работи на македонија и на Бугарија, Никола Димитров и Екатерина Захариева, како и заменичката шеф на албанската дипломатија Артемиса Драло.
#dw_BalkanBooster: Ревизија на учебниците?
02:50
This browser does not support the video element.
На состанокот меѓу бил разгледан најновиот развој на настаните во регионот во врска со перспективата за членство во ЕУ на земјите од Западен Балкан и можностите за развој на прекуграничната соработка.
Договор за решавање на спорот за името
Договорот за решавање на спорот за името меѓу Македонија и Грција беше потпишан на 17 јуни 2018. Тој би требало да му стави крај на спорот кој трае четврт век. Но, до неговото конечно спроведување има уште работа.
Договорот за решавање на спорот за името во Псарадес, на грчката страна од Преспанското Езеро, го потпишаа министрите за надворешни работи Никола Димитров и Никос Коѕијас. „Горди сме затоа што избравме решение што нѐ обединува“, оцени македонскиот премиер Заев. Неговиот грчки колега Ципрас рече: „Овде сме да ги залечиме раните што ги остави времето, да отвориме пат за мир, братство и пораст“.
Фотографија: Reuters/A. Konstantinidis
Роденден
Потпис на договорот стави и долгогодишниот посредник на Обединетите Нации во спорот за името, Метју Нимиц. Потпишувањето се падна токму на неговиот 79-ти роденден. „На членовите на моето семејството им реков дека не сакам подароци за овој роденден, зашто двајца премиери ќе ми дадат еден голем подарок“, рече Нимиц на церемонијата во Псарадес.
Фотографија: Reuters/A. Konstantinidis
Вратоврска
Кога по потпишувањето на договорот требаше да се направи семејна фотографија од настанот, македонскиот премиер Зоран Заев, веројатно не сакајќи да се разликува од Алексис Ципрас, кој е познат по тоа што не носи вратоврски, ја извади својата црвена вратоврска и му ја подари на својот грчки колега. Тоа беше поздравено со широки насмевки и громогласен аплауз од присутните.
Фотографија: Reuters/A. Konstantinidis
Договорот зачинет со македонска храна и вино
Официјалната средба по потпишувањето во Псарадес се префрли на македонскиот брег на Преспанското Езеро. Двете делегации до Отешево стигнаа по воден пат, со чамци. Во Отешево се водеа билатерални разговори и имаше свечен ручек. На заедничкиот ручек присуствуваа и претставниците на Европската Унија и Обединетите Нации – Федерика Могерини, Јоханес Хан, Метју Нимиц и Розмари Ди Карло.
Фотографија: Reuters/A. Konstantinidis
Протести во Скопје
Потпишувањето на договорот за решавање на спорот за името предизвика протести во Македонија. Демонстрантите пред Собранието на 17.06.2018 се судрија со полицијата. Во безредијата имаше повредени и приведени лица. Според полициски наводи, има неколку повредени полицајци, како и над 25 уапсени учесници на протестите. Официјален организатор на протестите нема.
Во Грција исто така се протестира. Противниците на договорот за решавање на спорот за името во Атина за време на расправата за доверба на владата на Ципрас се судрија со полицијата пред парламентарната зграда (фото: 16.06.2018). Полицијата мораше да употреби солзавец за да ја разбие толпата која се обиде да влезе во парламентарната зграда. Владата го преживеа гласањето.
Фотографија: Reuters/C. Baltas
Уште многу работа
Ставањето потпис на Конечната спогодба за решавање на спорот за името е само еден од чекорите кои следуваат во наредните месеци до конечно решение. Следува ратификација во македонското Собрание, референдум на кој македонските граѓани ќе се изјаснат за договорот, а потоа и ратификација во грчкиот парламент.
