Совет за безбедност на малцинствата на Косово
2 јуни 2006Косовскиот премиер Агим Чеку по средбата со Сорен Јесен Петерсен обраложувајќи ја потребата од формирање на советот, нагласи дека кај малцинствата, а посебно кај србите кои не ги користат своите загарантирани права постои чувство на страв и небезбедност
„Ние им ги гарантираме сите права на србите како и на исте останати граѓани, но тие не ги користат и создадено е мислење дека тие не можат да се движат слободна. Затоа советот за безбедност на малцинствата ќе работи на овие прашања. Ќе разговараме со заедниците и ќе ги решаваме нивните проблеми за да се уверат дека на Косово се безбедни„
Ова тело ќе делува во рамките на националниот совет за безбедност кој допрва треба да се формира. Со него ќе раководи премиерот. Инаку Шефот на УНМИК Сорен Јесен Петерсен нагласи дека секој граѓанин на Косово треба да биде одговорен и да не наседнува на провокации кои може да предизвикаат меѓуетнички инциденти. Петерсен нагласи дека цивилната администрација на УНМИК ќе остане во покраината се додека советот за безбедност на ОН не усвои нова резолуција со која ќе се дефинира статусот на Косово. Тој ја нагласи потребата од соработка на властите во Приштина во функција на решавање на прашањето со исчезнатите
„Очекувам од премиерот и останатите да сторат се` што е можно за да се дојде до информации кои можат да и помогнат на работната група, а пред се на семејствата кои веќе седум години чекаат такво нешто„