Извештаите за пробив во финансиските преговори за изградба на трансрапид железница во сојузната покраина Баварија е проследен со многу сомнежи. Повеќемина го оспоруваат договорот помеѓу покраинскиот премиер во заминување Едмунд Штојбер со германските железници и индуструијата околу проектот. Министерот за финансии Пер Штајнбрик предупреди дека проектот ќе чини многу повеќе од проценетите 1,85 милијарди евра. Неговиот партиски колега, министерот за сообраќај Волфганг Тифензе побара пред да бидат преземени конкретни чекори да се расчисти евентуалниот ризик од експлозија на трошоците. Градот Минхен најави жалба против мамутскиот проект.