Сони го сели европското седиште од Лондон во Амстердам
СН/ агенции
23 јануари 2019
Јапонскиот концерн, поради стравувањата од последиците од евентуален тврд Брегзит, односно излегување на Велика Британија од ЕУ без договор, го префрла своето европско седиште во Холандија.
Фотографија: Getty Images/D. Ramos
Реклама
Јапонскиот технолошки гигант Сони одлучи својата европска централа да ја премести од Велика Британија во Холандија, поради излегувањето на земјата од ЕУ на 29 март. „Ќе ја преместиме нашата европска централа во Амстердам“, изјави денска портпаролот на компанијата Такаши Ида, додавајќи дека цел е избегнување на можните царински процедури, кои би биле последица на Брегзит.
Сони Јуроп така ќе премине под нова филијала основана во Холандија и ќе остане во ЕУ по Брегзит. Сепак, британската фирма и натаму ќе продолжи да увезува производи од Сони и ќе продава во регионот, а работниците ќе останат своите работни места.
„Единствена промена е местото на регистрирање на Сони Јуроп“, наведе Ида.
Фотографија: picture-alliance/dpa
Сони се одлучи на овој чекор за да избегне бројни царински и регулаторни контроли во случај да нема договор за Брегзит, што е сѐ поизвесна можност откако британскиот парламент минатата недела го одби предлог договорот со Брисел.
Друга јапонска компанија, Панасоник, минатата година донесе слична одлука поради стравување од даночни проблеми.
Заминување од Лондон најавија и повеќе јапонски финансиски институции.
Јапонските компании во Велика Британија инвестираа над 60 милијарди долари и вработуваат 142.000 луѓе. Меѓу 879 јапонски компании во Велика Британија се и производителите на автомобили Нисан, Хонда и Тојота. Јапонскиот премиер Шинзо Абе предупреди од последиците од Брегзит за бројни компании.
Брегзит или не: Зошто ѝ покрај тоа ги сакаме Британците
Британскиот парламент го отвори договорот за Брегзит на премиерката Меј. Сега сѐ поизвесен е „болен развод“ со ЕУ. Според многу Европејци, тоа е целосно непотребно. Изјава на љубов до Британците во десет слики.
Фотографија: Getty Images/Stuart C. Wilson/Universal Pictures Home Entertainment
Го сакаме кралското семејство!
Никој не седел толку долго на престолот, како кралицата Елизабета Втора. Од 1952 година таа е кралица на Британците и се залага за дисциплина, стабилност и традиција. Вообичаено два чекора зад неа, големата љубов на нејзиниот живот: сопругот, принцот Филип. Оваа година таа го слави својот 93-ти роденден, а тој има 98 години.
Фотографија: Getty Images/AFP/B. Stansall
Сакаме поп музика од Велика Британија
Тие се едноставно легендарни - Ролинг Стоунс: Мик Џегер, Чарли Вотс, Кит Ричардс и Рон Вуд. На 24 март 2016 година, култниот бенд имаше концерт во Хавана, Куба, испишувајќи музичка историја.
Тауер бриџ во Лондон: од 1894 година, мостот во центарот на британскиот главен град е едно од најпрочуените знаменитости на метрополата. Лондон е една од најпопуларните туристички дестинации во Европа, со повеќе од 30 милиони туристи годишно.
Фотографија: picture-alliance/dpa/J. Büttner
Ги сакаме хероите од нивните книги
Авантурите на ученикот за волшебник Хари Потер од Џоан К. Роулинг воодушевуваат деца ширум светот. На сликата е прикажан Хари Потер, кој го игра Даниел Редклиф, во својата втора година на обука во Хогвортс, на училиштето за магии и волшебништво.
Фотографија: picture-alliance/dpa/dpa-Film Warner
Ги сакаме убавите британски модели
Наоми Кемпбел е клучен дел од меѓународниот моден бизнис околу три децении. Родена во Лондон, таа беше првиот црномурест модел кој се појави на насловната страна на францускиот Вог и ѝ припаѓаше на генерацијата на супермодели во 1990-тите.
Фотографија: DW
Го сакаме британскиот хумор
Ретко кој ги растегнува мускулите за смеење толку многу како Роуан Аткинсон, алијас Мистер Бин. Истоимената серија-комедија беше оригинално прикажувана од 1989 до 1995 година и ужива култен статус.
Фотографија: Getty Images/Stuart C. Wilson/Universal Pictures Home Entertainment
Ги сакаме нивните извонредни градини и паркови
Градините Кју во југозападниот дел на британскиот главен град Лондон се меѓу најстарите ботанички градини во светот. Британците се познати по „зелениот палец" и се сметаат за специјалисти за косење трева. Никој во Европа нема толку убави градини и паркови како Британците.
Фотографија: Reuters/T. Melville
Го сакаме нивниот стил
Не станува збор за брзина, туку за елеганција и класа. Пример за тоа се култните автомобили од Велика Британија, како што е Ролс-Ројс. Иако брендот оттогаш е купен од страна на Германците, тој останува британски класик.
Фотографија: imago/Felix Jason
Го сакаме нивниот чуден вкус
Кога станува збор за кулинарството, со сигурност има други европски земји кои се во предност. Но, ако Британците останат со нас во ЕУ, нема да се жалиме на пивото без пена и јагнето со сос од нане. Ветуваме!
Фотографија: Styko
Ја сакаме нивната традиција
Дури од нив научивме колку убаво може да биде панорамското разгледување. Црвените двокатни автобуси во Лондон се повеќе од само превозно средство. Тие сѐ уште се клучен белег на британската метропола на Темза.
