Тоа требаше да биде славно враќање на САД во вселената. Но, временските услови си поиграа со плановите. Првиот пробен лет на ракетата на Спејсекс со човечки екипаж беше откажан 16 минути пред полетувањето
Фотографија: Reuters/J. Skipper
Реклама
Во вселената нема облаци, но на патот до неа и тоа како. Лошото време го спречи лансирањето на ракетата Фалкон 9, на приватната компанија Спејсекс (SpaceX) на милијардерот Елон Маск, од вселенскиот центар „Кенеди“ на НАСА на Флорида.
Стартот на ракетата беше откажам 16 минути пред планираното полетување. Капсулата „Драгон“ на ракетата Фалкон 9 требаше да полета кон Меѓународната вселенска станица во 16 часот и 33 минути по локаlно време (22.33 по средноевропско време) од истиот лансирачки подиум кој беше употребен за мисијата Аполо на Месечината пред половина век.
Фотографија: picture-alliance/AP/NASA/B. Ingalls
Боб Бенкен и Даг Харли требаше да бидат првите американски астронаути кои по речиси 9 години ќе полетаат од американско тло кон Меѓународната вселенска станица, во заеднички потфат на НАСА и на компанијата Спејсекс на Илон Маск, но лансирањето на ракетата денеска беше одложено поради лоши временски услови.
Бенкен и Харли пристигнаа до Флорида со електричен автомобил Тесла, а потоа беа сместени во „носот на ракетата“ Фалкон 9, која ја направи компанијата Спејсекс, а пренесуваа бројни американски и светски медиуми.
Да го следат овoj историски настан дојдоа и претседателот на САД Доналд Трамп и неговата сопруга Меланија, како и потпретседателот Мајк Пенс со сопругата. Трамп претходно изрази надеж дека повторното испраќање на ракетата во Земјината орбита од американско тло ќе го подигне духот на нацијата по месеци борба против коронавирусот.
Фотографија: Reuters/J. Ernst
Шефот на НАСА беше оптимистичен додека стручњаците кои ги следеа временските услови дадоа 50 отсто шанси дека ракетата ќе може полета. За три дена сѐ ќе се повтори, на 30 мај во 15 часот и 22 минути по локално време. Тогаш постојат 60 насто шанси дека временските услови ќе бидат добри, но како и секогаш на Флорида на пролет се можни бури.
Ова е првпат со ракета и капсула, направени од приватни пари, да се испратат луѓе во вселената, а речиси една деценија откако тоа е направено од територијата на САД.
Црвената „Тесла“ во вселената
01:02
This browser does not support the video element.
Единствена причина зошто НАСА се согласи да испрати астронаути во ракета финансирана од приватни пари е тоа што компанијата Спејсекс се покажа како исклучително сигурна, а и цената беше релативно ниска. За време на изминатите 10 години оваа компанија лансираше околу 100 ракети, од кои поголемиот дел безбедно се вратија на Земјата, со што стана доминантна во индустријата и е проценета дека има вредност од 40 милијарди долари.
Разгледници од вселената
Сентинел 1 беше лансиран во вселената на 3. април 2014. година. Првиот сателит во рамките на европската програма за набљудување на Земјата - Коперникус треба да обезбеди податоци за анализа на животната средина.
Фотографија: ESA – S. Corvaja
Први фотографии од новиот сателит
Сентинел -1 би требало да тестира една револуционерна идеја: датотека на податоци во вселената. Сателитот е опремен со специјален ласер, кој овозможува брза размена на големо количество податоци. Тоа е посебно важно кога времето може да чини животи, како што е во случај на природни катастрофи. Сега можат да се видат првите фотографии.
Фотографија: ESA/ATG medialab
Први чекори
Само десетина дена по стартот во вселената, Сентинел -1 ја направи првата фотографија. Во согласност со европскиот проект, таа го прикажува белгискиот главен град Брисел.
Фотографија: ESA
Гигант кој се топи
Ова е фотографија на глечер на островот Пајн. Од таа гигантска маса на западниот Антарктик секоја година милијарди тони мраз завршуваат в море. Последица на глобалното затоплување: предниот дел од глечерот, според оценката на експертите, секоја година се намалува за еден километар.
Фотографија: ESA
Земјата долу
Каприви е област во североисточниот дел од Намибија. Во дождовниот период, од декември до март, реката Замбези поплавува многу делови од таа област. Со својата мрежа на водени текови, областа Каприви е единствена во Намибија во која преку цела година има вода, а со тоа и животни.
Фотографија: ESA
Најголема концентрација на истражувачи
Најсеверниот дел од Антарктикот го сочинува еден полуостров. Неговите планини се високи до 2800 метри и се сметаат за продолжение на јужноамериканските Анди. На антарктичкиот полуостров се наоѓа најголемата концентрација на истражувачки станици на континентот.
Фотографија: ESA
Мраз во движење
Аустфона на Свалбард во Норвешка, со своите 8.120 квадратни метри, е најголемиот глечер во Европа. Заедничките мерења на Сентинел-1 и Германскиот вселенски центар ДЛР покажаа дека таа област се движи десет пати побрзо отколку што досега се мислеше.
Фотографија: ESA/DLR/Gamma/University of Leeds/University of Edinburgh
Фотографија на имењакот
Овде со боја е означен островот Северен Сентинел, најзападниот Андамански остров во Индискиот Океан. Пристапот кон него од 1966. година е строго забранет. На него живеат припадници на племето Сентинел, кои упорно одбиваат секаков контакт со останатиот свет.
Фотографија: ESA
Најголемата солена пустина на светот
Салар де Ујуни е најголемата солена пустина во светот. Таа настанала пред повеќе од 10.000 години откако пресушило езерото. Салар де Ујуни се наоѓа на надморска височина од над 3.600 метри во југозападна Боливија.
