Речиси сите кои се пријавија за вакцинација во Србија, веќе се вакцинирани. Но три четвртини од полнолетното население во земјата се нема пријавено за корона-вакцини. Според експертите дезинформациите го земаат данокот.
Фотографија: Alexander Miocic/Sputnik/dpa/picture alliance
Реклама
„Ова е апсурдно“, вели епидемиологот Зоран Радовановиќ за ДВ. „Ние сме единствена земја во светот во која понудата на вакцини е поголема од побарувачката“. Додека во светските медиуми одекнува мешавина од чудење и воодушевување од брзиот почеток на вакцинацијата во Србија, податоците објавени деновиве го отвораат прашањето дали наскоро корона вакцините од кинеско, руско и западно производство ќе се трупаат во српските магацини?
Имено во Србија над еден милион луѓе имаат примено барем по една доза вакцина, додека на листа на чекање се уште двесте илјади граѓани. Тоа значи дека од 5,5 милиони полнолетни граѓани само една четвртина се пријавиле за имунизација.
„Како Бога ве молам пријавете се да примите вакцина. Имаме и ќе имаме уште вакцини, како Бога ве молам пријавете се“, апелираше претседателот Александар Вучиќ минатата недела, најавувајќи дека и тој наскоро ќе прими вакцина.
Фотографија: Reuters/M. Djurica
Колективен имунитет до лето – невозможна мисија?
Според официјалните претставници Србија веќе набавила или нарачала околу петнаесет милиони дози што е безмалку доволно населението по два пати да прими по две дози. Но, сега се чини е невозможна мисија да се најдат доволно луѓе подготвени да ја примат вакцината.
Проценките на експертите ширум светот се дека за да се постигне колективен имунитет потребно е да биде вакцинирано од 65% до 85% од населението.
Епидемиологот Радовановиќ предупредува дека е погрешна пресметката на Кризниот штаб кој најавува дека Србија до лето ќе може да стекне имунитет на стадо. Бидејќи не може само просто да се собира бројот на оние кои ка прележале болеста и оние кои примиле вакцина. Тие две групи во голема мерка се поклопуваат, а оние кои прележале имаат заштита од само неколку месеци.
„Луѓето се двоумат дали да се вакцинираат. Едноставно немаат соодветни информации. Односно, интернетот го победи Министерството за здравство. Имаме инфодемија,“ вели искусниот епидемиолог Радовановиќ. „Многумина велат, немам ништо против вакцина ама сакам да почекам да видам што ќе биде со оние кои први ја примија вакцината“, додава тој.
Радовановиќ смета дека државата доцни со „здравствената едукација“ на граѓаните која мора да биде составен дел од вакви мамутски потфати во сферата на јавното здравство. Исто така не е познато дали до сега е санкциониран некој лекар за ширење дезинформации за епидемијата и вакцинацијата.
Здружението Обединети против Ковид, на почетокот на февруари поднесе пријава против пулмологот Бранимир Несторовиќ до Судот на честа во Лекарската комора во Белград. Несторовиќ, кој претходно беше и член на Кризниот штаб е познат по изјавите дека короната е „вирус кој постои само на Фејсбук“ и понатаму е чест соговорник на медиумите блиски до власта во земјата.
„Вакцината е единствено решение за излез од Ковид-кризата“
15:47
This browser does not support the video element.
„Постојаното гостување на телевизии, без никаква контрола, без одговорност, а камоли правно санкционирање, многу повеќе ги трујат луѓето од ковидот, а истовремено им носи огромна заработувачка и на сопствениците и на вработените во тие телевизии, како и на шарлатаните, чии приватни ординации и бизниси им цветаат,“ напиша режисерката Билјана Србљановиќ во колумна за Блиц кон средината на февруари.
И покрај тоа што онлајн формуларот за пријавување за вакцинација е едноставен и нема бирократски пречки, за сега се нема пријавено ни онаа третина граѓани кои се изјасниле дека се подготвени да се вакцинираат. Или барем така покажуваат резултатите од анкетата на „Нова српска политичка мисла“ спроведена во јануари. Нешто поголем процент (38%) изјавиле дека ќе почекаат, додека 27% одбиваат вакцинација.
Шокантен податок од ова истражување е дека подготвеноста за вакцинирање е четири пати помала кај опозициски настроените граѓани.
„Има основна недоверба во вакцините, слично како и во други земји“, изјави тогаш за ДВ, уредникот на НСПМ Ѓорѓе Вукадиновиќ. „Но постои и специфичен политички аспект кој нема врска со антиваксерите. Тоа е недовербата во сѐ што чини, вели или пропагира власта“, појаснува Вукадиновиќ.
Фотографија: ASSOCIATED PRESS/picture alliance
Шизофреничен однос кон епидемијата
Властите најголемиот проблем го гледаат во малите средини, посебно кај постарите луѓе и како што се претпоставува, лошо информираните луѓе. „Ќе одам да се вакцинирам во Жагубица или Мерошин, таму некаде, за да бидам пример и да ги замолам овие луѓе да се вакцинираат,“ изјави Вучиќ. Идејата му е да се поттикнат на вакцинација и оние кои досега не се пријавиле.
На Србија ѝ се потребни и мобилни тимови за вакцинација кои ќе влезат во секое село, изјави за Н1 претседателот на Здружението за јавно здравје, Драгослав Поповиќ. Луѓето имаат страв и отворени прашања, и бараат одговори поради што „би било добро да се спроведе една промотивна кампања која ќе биде насочена кон овие луѓе“, предлага тој. Ова досега беше сосем занемарено, смета и Зоран Радовановиќ. Наместо тоа, претседателот „популистички“ се расфрлаше со бројот на набавени вакцини, слично како и претходно со бројот на набавени респиратори кои завршија по магацини, констатира епидемиологот.
Пандемија: Животот свртен на глава
Пред нешто повеќе од една година мистериозен нов коронавирус започна да се шири низ светот. Денес, бројот на заразени во пандемијата е над 100 милиони, а секојдневието на луѓето ширум планетата е драматично променето.
Фотографија: Flaming Lips/Warner Music/REUTERS
Колективно физичко дистанцирање
Сингапур има многу ниски стапки на инфекции со коронавирусот од октомври досега. Набљудувачите ја фалат оваа град-држава во југоисточна Азија за одржување на вирусот под контрола со внимателно следење на нејзините граѓани, делумно со апликацијата за задолжително следење. Падот на инфекциите значи дека локалното население може да посетува кино на отворено - под услов да се одржува физичка дистанца.
Фотографија: Edgar Su/REUTERS
Во Јужна Африка се шири страв
Јужна Африка е најтешко погодената африканска земја од пандемијата на коронавирусот. Овој пациент во болница во близина на Кејп Таун е еден од 1,4 милиони граѓани кои се заразени со Ковид-19. Новата варијанта на коронавирусот, позната како B.1.351 или 501Y.V2, само го зголеми стравот. Исто како и новата варијанта на британскиот вирус, се смета дека оваа јужноафриканска мутација е многу позаразна.
Фотографија: Rodger Bosch/AFP/Getty Images
„Социјално дистанцирање на сонце“
Со зголемените летни температури, многу Австралијци се во можност да уживаат во освежително пливање во океанот. Поставени се знаци за да ги потсетат посетителите на плажите да држат дистанца додека уживаат во сонцето, во обид да се спречи нов пораст на инфекции. Австралија забележа значително намалување на бројот нови случаи од септември наваму.
Фотографија: Bai Xuefei/Xinhua/imago images
Болка поради оние кои починаа
Келвија Андреа Гонкалвес (16) плаче на гробот на нејзината мајка во бразилскиот град Манаус - Андреа дос Реис Брасао почина на само 39-годишна возраст. Таа е една од безбројните жртви од Ковид-19 во градот кој остана без неопходниот кислород. Многу луѓе го обвинуваат екстремно десничарскиот претседател Жаир Болсонаро за мрачната состојба во земјата. Во Бразил од вирусот починаа над 221.000 лица.
Фотографија: Bruno Kelly/REUTERS
Што е сигурно е сигурно?
Во Хонг Конг, властите оградија цели населби без предупредување како одговор на ненадејниот пораст на инфекциите. Градот, посебен административен регион на Кина, наметна слични драконски мерки за спречување на епидемијата на вирусот како оние кои беа во сила во Кина. До неодамна, стапките на инфекции тука беа многу ниски.
Фотографија: Tyrone Siu/REUTERS
Танцување во сопствен меур
Американскиот рок-бенд The Flaming Lips смисли начин како да организира концерти со физичка дистанца: на неодамнешниот концерт во Оклахома Сити, бендот ја замоли публиката да влезе во пластични меури кои се надувуваат. На овој начин, тие можеа да се танцуваат додека безбедно се изолирани во сопствени меури. Публиката дури можеше да го држи на раце и фронтменот Вејн Којн кој се стркала од сцената.
Фотографија: Flaming Lips/Warner Music/REUTERS
Цркви претворени во центри за вакцинација
Многу цркви во моментов се затворени поради пандемијата, па местата за богослужба се претвораат во центри за итна вакцинација- како тука во катедралата Лихфилд, во близината на Бирмингем, Англија. За разлика од земјите во ЕУ кои во моментов се соочуваат со недостиг на вакцини против Ковид-19, Велика Британија редовно се снабдува со дози.
Фотографија: Carl Recine/REUTERS
Светло на крајот од тунелот
Ејми Езат подготвува торта во форма на вакцина која треба да се дистрибуира меѓу пациентите со Ковид-19 кои се лекуваат во болницата во Каиро. Египет се бори да ја активира својата кампања за имунизација низ целата земја. Сепак, на многумина можноста да се вакцинираат против коронавирусот им дава огромно чувство на надеж.
Фотографија: Hanaa Habib/REUTERS
8 фотографии1 | 8
„Ако продолжи вака, за неколку месеци можно е Вучиќ да прогласи задолжителна вакцинација за одредени категории на вработени. Но, можно е сега да се воздржи од ваков потег бидејќи би бил непопуларен воочи избори,“ додава Радовановиќ.
Прашањето е колкаво влијание врз имунизацијата има и по малку чудниот однос кон сѐ полошата епидемиолошка ситуација и благите мерки кои ги воведува Владата. Веќе со денови се регистрираат над 4000 новозаболени дневно, иако се проценува дека оваа бројка е далеку повисока бидејќи секој четврти тест е позитивен.
Неодамна репортерката на германската телевизија РТЛ во Белград, шетајќи се покрај преполните кафулиња во својот прилог констатираше дека има впечаток оти луѓето се однесуваат „како да нема корона.“
Веројатно определбата на власта да се „зачува економијата“ и животот да тече помалку или повеќе нормално, кај многу граѓани остава впечаток дека е сѐ во ред - дури и ако не се вакцинираат.
Бегство од зачмаеноста на пандемијата
Коронавирусот ја доведе глобалната индустрија за патувања во ќорсокак. И покрај ограничувањата, некои патници повторно ги пакуваат куферите и се упатуваат кон региони кои ветуваат безбедност и одмор од Ковид.
Фотографија: Nikolai Okhitin/Zoonar/picture alliance
Исланд
Островот во Северен Атлантик со своите водопади, вулкани и глечери е подготвен за туристите. Љубителите на природата и авантуристите можат да патуваат таму во согласност со прописите за коронавирусот. Исланд е една од ретките земји во Европа која дозволува влез за вакцинирани лица и лица кои се опоравиле од од Ковид-19, без потреба од тестирање и карантин.
Фотографија: picture-alliance/dpa/S. Trumpf
Ла Палма, Шпанија
Канарскиот остров Ла Палма е речиси без заболени со коронавирусот. Туристите кои патуваат од Германија теоретски можат да влезат со негативен ПЦР тест, но во моментов нема многу летови за Ла Палма, бидејќи е дел од Шпанија, која е земја со висок ризик. Хотелиерите и агентите за изнајмување недвижности се надеваат дека состојбата ќе се подобри од март.
Ограничувањата за патување во Занзибар беа укинати уште во јуни 2020 година. Патниците од повеќето земји можат да влезат без ПЦР-тест, формулар за влез или карантин. На островот, кој ѝ припаѓа на Танзанија, нема ограничувања, рестораните се отворени, а се одржуваат забави и концерти. На крајот на март, Луфтханза за првпат планира да понуди директни летови до островот на задоволствата.
Фотографија: picture alliance / blickwinkel/M
Руанда
Туристите ја посетуваат Руанда за да видат планински горили. При влегување мора да се покаже негативен ПЦР-тест и да се направи дополнителен тест локално. По седум дена во карантин на туристите им е дозволено да одат на сафари и да ги видат горилите под строги хигиенски услови. Мерките на претпазливост се покажаа ефикасни. Германија никогаш ја нема ставено Руанда на листата на ризични области.
Фотографија: Felipe Dana/AP Photo/picture alliance
Сејшели
Архипелагот крај источниот брег на Африка мами со белите песочни плажи, тиркизно синото море и со бујните палми. Од јануари, секој може да влезе во земјата ако има сертификат за вакцинација против Ковид-19 и со негативен ПЦР- тест направен во рок од 72 часа. Нема потреба од карантин. Одморот може да започне веднаш. Сепак, бидејќи Сејшели се ризична област, повратниците мора да одат во карантин.
Островската земја во Индискиот Океан бележи зголемување на стапката на инфекции од декември и се смета за ризична област. Според правилата од јули 2020, туристите можат да влезат со негативен тест, но нивниот престој останува ограничен на однапред резервирано одморалиште. Со оглед на луксузните објекти во хотелските комплекси, туристите се прилично подготвени да ги прифатат овие ограничувања.
Фотографија: Sergi Reboredo/picture alliance
Тајланд
Ниските стапки на инфекција значат дека патувањето во Тајланд не е забрането тукусамо не се препорачува. По пристигнувањето и на сопствен трошок, патниците мора да поминат строг карантин во траење од 14 дена во објект за изолација (обично хотел) кој е одобрен од владата и да направат неколку тестови за Ковид-19. Само тогаш тие можат слободно да се движат во земјата.
Работа на вашиот лаптоп пред да скокнете во базен, или обратно? Ако не можете да престанете да работите, можете да „работите од дома“ во далечните земји. Туристичките агенции во неколку земји, како на холандскиот карипски остров Аруба (на сликата) ја препознаа можноста и нудат опции за работа и одмор за туристите. И тука, се разбира, мора да се внимава на актуелните корона-рестрикции.
Дубаи до декември, се сметаше за место без Ковид-19, но од 24 јануар се смета за област со висок ризик. Емиратот донесе влијателни инфлуенсери и познати личности во земјата, а туристите ги следеа, откако сликите на безгрижни забави крај базен го обиколија целиот свет. Сега баровите и пабовите се затворени, ограничувањата се применуваат во трговските центри и во рестораните.
Фотографија: Udo Bernhart/dpa/picture alliance
Туристички крстосувања
Индустријата за туристичко крстосување ги врбува муштериите со тоа што нуди најголема можна безбедност. Ова значи пониски стапки на посетеност на пловните објекти, физичка дистанца на бродот, задолжително носење маски, дневни проверки на температурата, контролирани екскурзии на брегот... Но, оваа релаксација доаѓа со ограничувања, бидејќи коронавирусот исто така знае како да патува.
