Српскиот министер за Косово, Слободан Самарџиќ изјави дека Советот за безбедност на ОН мора да го потврди предлогот на Контакт групата за преговори меѓу Белград и Приштина за идниот статус на Косово. Белград засега не го коментира изборот на германскиот дипломат Волфганг Ишингер, за претставник на ЕУ во преговорите. Од страна САД се најавува Френк Визер. Останува отворено кој ќе бид преставник на Русија во посредничката тројка во преговорите. Словенечкиот министер за надворешни работи Димитриј Рупел синоќа изрази надеж дека Русија со конструктивна улога ќе придонесе за решение на косовскиот проблем.