Србија ќе мора да го признае Косово ако сака во ЕУ
4 септември 2012![](https://static.dw.com/image/16218835_800.webp)
По средбата во Брисел, Шулц рече дека со Дачиќ разговарале многу отворено и дека „односите на Србија и Косово во рамки на мирољубивиот развој мора да завршат со взаемно признавање“.
„Нашата цел е на крајот да биде можно Србија да стане членка на Европската Унија, со исполнување на сите мерила и воспоставување на мирољубиви, постојани односи меѓу двете земји“, рече Шулц.
Дачиќ наведе дека Србија е подготвена да соработува со ЕУ за сите прашања, и да биде фактор на мирот и стабилноста во регионот. Тој додаде дека во тоа го вклучува и решавањето на спорните прашања меѓу Белград и Приштина.
Посетата на Брисел е прва на новито српски премиер по стапувањето на должност. Освен со Шулц, Дачиќ во Брисел ќе се сретне и со претседателот на Советот на ЕУ Херман Ван Ромпој, со шефицата на европската дипломатија Кетрин Ештон, како и со комесарите за проширување и внатрешни прашања Штефан Филе и Сесилија Малстром.