Македондкиот претседател Бранко Црвенковски денеска во Скопје го прими генералниот секретар на ОБСЕ Марк Перин Де Бришамбо. На средбата Де Бришамбо истакна дека активностите на ОБСЕ се насочени кон поттикнување на реформите во Македонија што водат до ЕУ и НАТО рече генералниот секретар на ОБСЕ. Македонскиот претседател Црвенковски од своја страна исто така потенцираше дека сегашните приоритети во соработката се: достигнување на стандардите и исполнување на условите и критериумите за евроатланското интегрирање на Македонија. Претседателот Црвенковски и амбасадорот Де Бришамбо заеднички констатираа дека во врска со косовскиот статус, најдобро би било доколку се постигне договор меѓу Белград и Приштина и меѓународната зедница изгради заеднички став.