Референдум?
4 јануари 2012![](https://static.dw.com/image/4033241_800.webp)
Претседателот на собранието на општина Лепосавиќ потврди дека за денеска закажал седница на која ќе биде разгледувано прашањето за референдум.
Останатите три општини со мнозинско српско население на северот на Косово - Косовска Митровица, Звечан и Зубин Поток го закажаа референдумот за 14 и 15 февруари. Претседателот на општината Лепосавиќ претходно за новинската агенција Бета изјави дека смета оти референдумот на северот на Косово во моментов е непотребен затоа што ни државата Србија ги нема признато косовските институции и оти е непотребно општините да одлучуваат дали ги признаваат институциите на Косово. Претставниците на останатите општини на северот на Косово претходно порачаа дека со референдумот ќе покажеме оти народот кој живее на северот на Косово не сака да биде дел од косовските институции. Притоа тие, како што рекоа, немаат намера да го прејудицираат статусот, туку на дел од меѓународната заедница и на Албанците да им го „избијат“ изговорот дека Србите од северот ги сакаат косовските институции и дека против нив се само претседателите на општините.
Автор: СН/ ЕМФ/ бета
Редактор: Александра Трајковска