Норвежанецот Јенс Столтенберг треба да ја преземе функцијата од Данецот Андерс Фог Расмuсен на 1 октомври годинава.

Столтенберг важи за искусен политичар. Toj доби големо признание во меѓународни рамки за својот кризен менаџмент по двојниот терористички напад извршен од страна на Андерс Брејвик на Утоја. Столтенберг ја загуби премиерската функција во Норвешка по изборите во септември 2013 година.

Овој 55-годишен социјалдемократ потекнува од семејство кое е познато во политиката во Норвешка. Неговиот татко Торвалд Столтенберг беше министер за надворешни работи и амбасадор, додека мајка му Карин работеше како државен секретар во повеќе норвешки министерства.

Јенс Столтенберг застанува на политичката бина уште како тинејџер. На 14-годишна возраст тој станува член на Работничката партија, на 20-годишна возраст е во претседателството на младинската организација на социјалдемократите. Подоцна станува министер за економија, потоа министер за финансии, а во 2000 година првпат и премиер.

Столтенберг останува носител на надеж за социјалдемократите, иако конзервативците по само 1,5 година доаѓаат повторно на власт. Тој во 2005 година повторно ја добива премиерската функција. Дека неговата приказна нема да заврши со поразот на изборите во септември 2013 година беше јасно, и тоа не само во Норвешка.