Најголемата и најсветла полна Месечина во последните 69 години е сензација низ целиот свет. Астрономите велат дека Месечината деновиве е поблиску до Земјата од било кога во последните седум децении. Од НАСА соопштија дека Месечината делува 14 проценти поголема, и 30 отсто посветла од вообичаено.
Денеска околу пладне по средноевропско време, Месечината ќе мине на 348,400 километри оддалеченост од земјината топка, што е за 35 илјади километри поблиску од вообичаено. Следната шанса да се види полна Месечина на толкава оддалеченост од Земјата ќе биде во 2034 година.
Најсветлата Месечина во последните 69 години го осветли небото ширум светот неделава. За набљудувачите на ѕвездите вистинско уживање. Уживајте во спектакуларните фотографии од несекојдневната убавина.
Фотографија: picture-alliance/AP Photo/B. GrdanoskiНебото над Сиднеј на 13 ноември
Супер Месечината над споменикот Ла Раза во Мексико.
Супер Месечината над зградата на Моќта и Светлината во Канзас Сити.
Фотографијата е направена за време на фудбалскиот меч меѓу репрезентациите на Египет и Гана во Александрија.
Двојно уживање за посетителите на забавниот парк во Лондон.
Временскиот петел на црквата Св. Петар и Павле во селото Клајн-Аухајм во близина на Ханау.
Супер Месечината „на дофат“ на раката на Владимир Илич Ленин во Бајконур.
Авион прелетува покрај Супер Месечината во близината на Катманду.
Овој призор на претходната Супер Месечина, на 10 август 2016, беше снимен од Борис Грданоски во центарот на Скопје и го обиколи светот.
