Втор, досега непознат за јавноста разговор меѓу американскиот претседател и неговиот руски колега на самитот Г20 во Хамбург ги бранува духовите во САД. Трамп контрира преку Твитер.
Фотографија: picture-alliance/AP Photo/E. Vucci
Реклама
Белата куќа вчера потврди извештај, според кој двајцата државници разговарале меѓусебно во текот на приватната вечера на претседателоте на држави или влади, но го отфрли приказот за втора, речиси едночасовна дискусија. Трамп и Путин воделе „краток разговор“, при кој американскиот претседател ги користел услугите на рускиот преведувач, зашто присутниот американски официјален преведувач не знаел руски, се вели од Белата куќа.
Средбата прв ја спомена претседателот на консултантската куќа Еуроазија Груп, Ијан Бремер, во службена комуникација со клиенти. Според невото пишување, Трамп среде вечерата станал од масата и околу еден час водел „приватна и жива“ дискусија со Путин, „во присуство исклучиво на еден американски преведувач.“ Останатите шефови на држави или влади биле изненадени од отсуството на американски преведувач, зашто тоа претставува „прекршување на протоколот за национална безбедност“. Весникот „Њујорк тајмс“ известува дека оваа средба не била официјално документирана од американската влада.
Трамп побрза да реагира преку Твитер.
„Лажната вест за тајна вечера со Путин е болна“, напиша тој ноќеска.
Оваа аргументација не ја прифаќаат демократите: според претседателот на Комисијата за надворешна политика во Претставничкиот дом, Елиот Енџел, извештаите за втор, непознат разговор на двајцата претседатели во Хамбург „вклучуваат истовремено повеќе аларми“.
„Што било разговарано, што не можело да се продискутира во првата двочасовна средба? Зошто не биле присутни други владини претставници, па дури ни американски преведувач? И зошто Белата куќа создава тајна од оваа средба?“, праша Енџел.
Рускиот претседател Путин во разговор со американската прва дама Меланија Трамп на вечерата во Хамбург за време на самитот Г20Фотографија: picture alliance/Zumapress
Путин и Трамп за време на самитот Г20 првпат имаа личен контакт. Со нетрпение очекуваниот официјален разговор на 7. јули траеше неполни два часа, подолго од планираното. Двајцата политичари отпосле пофално ја оценија средбата. Во фокус на јавноста неа ја внесе дополнително и тековната истрага во САД околу евентуалната комуникација и координација меѓу Русија и опкружувањето на Трамп во претседателската предизборна кампања. Американскиот претседател и владата во Москва отфрлаат постоење секакви нелегални контакти.
Карикатури за Трамп: Кога смеата е единствена утеха
Карикатуристи од целиот свет реагираат на победата на Трамп
Фотографија: L. Gäbel
Сексуален напад
Карикатурата на хамбуршкиот уметник Ленарт Гебел го обиколи светот за кратко време. Една агенција од Лос Анџелес поажа интерес за печатење на неговото дело на маици. Уметникот е среќен поради успехот и е сигурен дека и во иднина Трамп „ќе си дозволи“ одредени работи кои ќе послужат како мотив за него и останатите колеги од целиот свет.
Фотографија: L. Gäbel
Фризура број еден
Косата на следниот претседател на САД беше инспирација за многу шеги. Пред неколку месеци во јавноста излезе видео на кое е прикажана „фармата на Трамп“ за перики. Всушност, стануваше збор за поле со сено во Норвешка. Косата на Трамп исто така добро стои и на кокпитот на претседателскиот авион.
Фотографија: Twitter/@Knightcartoons
Африканска перспектива
„Имајќи ја предвид омразата на Доналд Трамп кон црнците ќе ја напуштиме земјата. Тој може да прави што сака со неа“ вели оваа карикатура од Абдулкарим Баба Амину, познат културен критичар, новинар и илустратор од Нигерија.
Фотографија: DW/Abdulkareem Baba Aminu
Дамата Слобода чука на вратата на Канада
Во паника и со загрижен поглед во очите, „Дамата Слобода“ чука на вратата на соседот - Канада. Карикатуристот Угрек ја црташе симбиличната фигура во многу различни анти Трамп карикатури.
Фотографија: Twitter/@ygreck
Без религиски бариери
Карикатуристот Гадо е еден од најпознатите илустратори во Африка. Тој во својата карикатура се осврнува на едно од ветувањата на Трамп во предизборната кампања кое гласеше: „Ветувам дека ќе го зачувам христијанството“. На карикатурата е прикажано како тој распнува муслиман на крст.
Секој може да биде претседател
Белгискиот артист Лектр креираше многу различни карикатури за Трамп. Оваа покажува дека за 8 години, идејата дека „Секој може да биде претседател“ се смени од оптимистичка мисла во причина за очај кај многумина.
Фотографија: Twitter/@lectrr
Агресивни графити
Погрдно претставување на Трамп веќе може да се забележи во Барселона. Шпанија, исто така, беше шокирана од неочекувааниот успех на републиканскиот кандидат „Невидената популарност и избирањето на њујоршкиот магнат ја остави половина планета без зборови“, напиша колумнист за шпанскиот весник Еј Пај.
Фотографија: Getty Images/AFP/J. Lago
Куп од измет
Куп од измет околу кој кружат муви. На овој начин уличниот уметник Хенски го доживеа претседателскиот кандидат Донaлд Трамп уште пред да биде номиниран од републиканците. „Портретот“ од август 2015 година беше исцртан на ѕид од еден познат трговски центар во Њујорк.
Фотографија: picture-alliance/abaca/Van Tine Dennis
