Претседателот на Косово, Хашим Тачи, на состанокот со американскиот амбасадор во Германија ветил дека ќе работи на повлекувањето на царините кои Косово ги воведе на целата српска стока, пишува весникот „Вашингтон пост“.
Фотографија: Reuters/L. Hasani
Реклама
Косовскиот претседател во минатиот месец бил во досега непријавена дипломатска посета на Берлин каде што се сретна со амриканскиот амбасадор Ричард Гернел, лице од доверба на Трамп, пренесува весникот и додава оти тогаш го дал тоа ветување.
„Вашингтон пост“ укажува дека Тачи под притисок на американскиот претседател Доналд Трамп и споменувањето на можност за мировна церемонија во Белата куќа, ветил оти ќе преземе голем чекор кон решавање на конфликтот со својот ривал во Србија кој го поддржува Русија.
Како што наведува весникот, Трамп невообичаено директно апелирал до лидерите на Србија и на Косово, по 10-годишно непријателство се заканува да прерасне во конфликт и неговата администрација се заложи за досега необјавени потези зад кулисите кон ублажување на тензиите меѓу двете страни.
Во размена на дописи со Вашингтон во петокот Тачи рече дека е подготвен да го „разгледа укинувањето на царините доколку за Косово се отвори јасен пат кон постигнување на конечниот мировен договор со Србија“.
„Да, царините се вонредна мерка. Постои подготвеност од наша страна тоа да се промени. Тоа станува силна решеност ако почувствуваме поддршка и насочување од нашите партнери за тоа. Од моја страна јас ќе го уверам народот на Косово оти имаме поддршка и насочување“, рече Тачи.
Србија и Косово: 15 погледи на „внатрешниот дијалог“
Уставот на Србија вели: „Покраината Косово и Метохија е составен дел на територијата на Србија...“ Уставната рамка главно ја игнорира политичката стварност. Уличните призори зборуваат за расположението во земјата.
Фотографија: DW/D. Dedovic
Српскиот „ѕид на плачот“
Српските граѓани веќе навикнаа на тоа зградата на парламентот да се порабува со лица на загинати и грабнати луѓе во „Вториот косовски бој“. Овој жичен ѕид е отстрануван повеќепати, но тој повторно се појавува како обвинување на сметка на Западот и албанските герилци.
Фотографија: DW/D. Dedovic
Лицата обвинуваат
Лицата на киднапирани Срби од 1989/1999 година служат како главен аргумент за обвинувања на сметка на Северноатлантскиот Сојуз и Европската Унија.
Фотографија: DW/D. Dedovic
Меѓу Косово и Крим
Моден детал со политички некоректна русофилска формула на белградската пешачка зона. Туристите од Запад радо го купуваат бизарниот сувенир.
Фотографија: DW/D. Dedovic
Руска алтернатива
Борис Тадиќ во предизборната кампања во 2008 година го ифрли слоганот „И Косово и Европа“. Овој графит одговара на очекуван начин.
Фотографија: DW/D. Dedovic
Таблоидите србуваат
Острите политички пароли на ѕидовите можеби станаа поретки затоа што сѐ повеќе врескаат насловите на таблоидните печатени производи.
Фотографија: DW/D. Dedovic
Браќата Шпанци
Шпанскиот е популарен во Белград. Не толку во училиштата за странски јазици, колку во „Немањина“ улица, во близина на Министерството за надворешни работи.
Фотографија: DW/D. Dedovic
Срце и аритмии
Додека еден белграѓанин се обидува да пронајде нешто корисно во отпадот, од ѕидот го бодри позната крилатица.
Фотографија: DW/D. Dedovic
Кој не е со нас е против нас
Фудбалскиот сојуз на Србија попусто се бунеше против одлуката на УЕФА од мај 2016-та за прием на Косово како полноправна членка. Одлуката е конечна од почетокот на 2017-та.
Фотографија: DW/D. Dedovic
ЕУ како империја
Космет всушност е кратенка (Косово и Метохија). Во зборот „Евробска“ се сокрила придавката „робска“.
Фотографија: DW/D. Dedovic
Вдахновение во премин
Плод на патриотско-поетско вдахновение на ѕидот на премин меѓу главната и една споредна улица во Лексовац.
Фотографија: DW/D. Dedovic
На КиМ со благослов
Дел од уличните призори во градовите се и повиците за обиколка на манастирите и на српските општини на Косово, со благослов на црковните власти.
Фотографија: DW/D. Dedovic
Римување, некому стравување
Опомена за српската политичка елита, доколку некој случајно помислува на некаков вид признавање на косовската независност.
Фотографија: DW/D. Dedovic
Урнатини кои опоменуваат
Своевиден споменик кој со својата наказност во градскиот пејсаж потсетува на бомбите кои во 1999 година ги испрати НАТО.
Фотографија: DW/D. Dedovic
Албанци кои се сакаат
Актерската легенда Беким Фехиу од 2010 година (кога си го одзеде животот) не е меѓу живите белграѓани, но неговата книга и натаму е хит во излозите на белградските книжарници.
Фотографија: DW/D. Dedovic
Трунка надеж
Повеќето графити на улиците сепак се тематски надвор од „внатрешниот дијалог“. Можеби најрадикалните пароли се преселени на социјалните мрежи.
Фотографија: DW/D. Dedovic
15 фотографии1 | 15
Ставот на Тачи, кој по пишувањето на „Вашингтон пост“ порано не е објавен, доаѓа со одредена политичка опасност поради порастот на националистички тензии. Весникот укажува дека Тачи не може сам да ги укине царините и оти е соочен со интерно противење на косовскиот премиер кој понекогаш му е и политички ривал.
Меѓутоа, САД сметаат дека неговите зборови се прв чекор кон запирање на ескалацијата на потезите од двете страни во последните два месеца и кон можно враќање, како што изгледа со најплодни напори во последните 10 години, кон постигнување на конечен мировен договор.
Весникот потсетува дека Трамп минатиот месец им испрати писма на лидерите на Србија и на Косово во кои ги повикува да се вратат на мировните преговори и им нуди можност за заедничка покана во Белата куќа да го потпишат мировниот договор кој би го постигнале. Тачи и претседателот на Србија, Александар Вучиќ, ги објавија писмата.
Двајцата лидери рекоа оти сметаат дека писмата се знак оти Трамп е подготвен да преземе активна улога на медијатор, иако американските официјални лица изјавија дека задржуваат подалечен пристап кон овој проблем.
