Косовскиот претседател Хашим Тачи само неколку минути по објавувањето на одлуката на Уставниот суд, на Фејсбук напиша дека ќе ја почитува одлуката на судот и ги повика и другите политчари и партии да го сторат истото. „Само што сум информиран за одлуката на Уставниот суд на Република Косово. Како претседател на Републиката јас во целост ќе ја почитувам таа одлука. Косово сега има значајно искуство во почитување на сите одлуки и пресуди на Уставниот суд. Тоа искуство е силен доказ за владеење на законите на Косово“, напиша Тачи.

Повеќе:

„Шпигел“ за Косово: Хаос во американскиот протекторат

Курти ги обвини САД дека му ја урнале владата

Корона-кризата пресудна за падот на косовската влада

Уставниот суд на Косово претходно донесе одлука да го прифати барањето на движењето Самоопределување да се доне е привремена мерка во врска со оценката на уставноста на указот на косовскиот претседател Хашим Тачи за мандатар за состав на влада. Во одлуката на судот се истакнува дека судот со мнозинство гласови одлучил да го суспендира указот на Претседателот:

„Судот со мнозинство гласови одлучи да ја прифати привремената мерка со рок на траење до 29 мај 2020 година и веднаш да ја суспендира примената на указот на Претседателот од 30 април“, се вели, меѓу другото, во одлуката на Уставниот суд на Косово.

Владата на премиерот Албин Курти падна на крајот на март, по само 50 дена на должност. Тоа ја втурна земјата во тешка политичка криза среде пандемија на коронавирус. Со оглед на тоа што нови избори засега не се можни поради пандемијата, претседателот Тачи во четвртокот му додели мандат за формирање влада на Авдулах Хоти, политичар од втората по јачина партија - ЛДК. Курти тоа го отфрли како противуставно и побара нови избори по укинувањето на рестрикциите поради короната.