Твитер отстрани објава на американскиот претседател Доналд Трамп поради ширење „лажни информации“ во борбата против коронавирусот.
Фотографија: AFP/O. Douliery
Реклама
За американскиот претседател Доналд Трамп, Твитер е најчесто медиумот преку кој ги шири своите политички пораки. Сега оваа мрежа отстрани негов твит со видео со исклучително контроверзни изјави за пандемијата на коронавирусот. „Твитовите со видеото претставуваат прекршок на нашата политика во врска со информациите за Ковид-19“, објасни Твитер.
Во видеото извесна д-р Стела Имануел објаснува дека успешно лекувала 350 корона-пациенти, меѓу другото и со хидроксихлорокин. Американската агенција за контрола на лекови минатиот месец, по повеќе критички студии, ја повлече дозволата за оваа супстанција. Трамп, пак, постојано се залага за хидроксихлорокинот и наведе дека и лично го зема лекот.
Хидроксихлорокинот е лек кој Трамп, како што тврди самиот, го зема личноФотографија: picture-alliance/AP Photo/J. Locher
Контроверзното видео претходно го избриша и Фејсбук. Според „Вашингтон пост“, тоа видео претходно го виделе повеќе од 14 милиони луѓе во светот. Во видеото, од страна на лекари се тврди и дека носењето маски за заштита не е неопходно во борбата против пандемијата.
Видеото на Твитер го сподели и синот на американскиот претседател, Доналд Трамп Џуниор. Како реакција на тоа, Твитер го блокираше профилот на синот на Претседателот во времетраење од 12 часа. Портпарол на Трамп Џуниор ваквата постапка на Твитер ја оцени како „целосно неприфатлива“.
Претседателот Трамп објави и твит во којшто го нападна водечкиот американски епидемиолог Ентони Фаучи.
Ентони Фаучи е мета на напади на американскиот претседателФотографија: Getty Images/W. McNamee
Во еден твит на Трамп се вели дека познатиот член на кризниот штаб за коронавирусот „за многу теми ја одвел во погрешна насока“ американската јавност, меѓу другото и во врска со хидроксихлорокинот. Претседателот и негово опкружување во текот на изминатите недели постојано се обидуваа да ја поткопаат веродостојноста на Фаучи. Раководителот на Националниот институт за алергии и инфективни болести ужива висок углед во јавноста. Со изјавите за опасноста од коронавирусот тој врз себе го навлече незадоволството на Претседателот.
Како да не им дадете шанса на вирусите и бактериите во кујната?
Во време на пандемија на коронавирусот особено важна е хигиената, не само личната. Редовното и правилно миење раце е главната „заповед“ за личната хигиена но постојат и златни правила за хигиена во кујната.
Фотографија: Johanna Schmeller
Слушајте ја мајка ви!
Уште од мали научивме: рацете мора задолжително да се мијат пред јадење. Истото важи и за готвењето. Дури и повнимателно, затоа што кога готвиме, можеме да ја загадиме храната со бактерии, која потоа сите ќе ја јадат. Правилното миење на рацете трае најмалку 30 секунди. Насапунети треба да бидат ноктите како и наборите меѓу прстите.
Фотографија: picture alliance/dpa/C. Klose
Само еднаш не е доволно
Задолжително мијте ги рацете не само пред да започнете со готвењето, туку и во текот на целиот процес. Особено ако сте допреле сурово месо, риба, јајца или отпадоци. Бидејќи сите тие се носители на бактерии кои не треба да се шират на другите производи. Особено на суровата храна, како што се салатите или доматите.
Фотографија: dapd
Одделно месо, одделно зеленчук
За да се избегне контаминација меѓу различните производи, за животинските производи не треба да се користат исти алатки како за другите производи. Ова е особено важно за ножевите и за даските за сечење. Најдобро е да имате специјална даска и специјален нож само за сурово месо. Инаку, пред да ги користите за сечење на зеленчук, даската и ножот треба да се измијат со детергент и со топла вода.
Бактериите се минијатурни. Она што нам ни изгледа како гребаница е огромна шведска маса за салмонелата. Изгребаните кујнски даски многу тешко се мијат. Значи, ако даската е веќе премногу изгребана - подобро да купите нова.
За нас драскотина, за бактериите - вселена
Фотографија: picture-alliance/L. Halbauer
Менувајте ги почесто!
Кујнските крпи, сунѓери и четки се омилено засолниште за бактериитеи вирусите. Затоа, по секоја употреба, тие треба да се исплакнат со врела вода, а потоа да се исушат. Кујнски сунѓери и крпи не треба да се користат повеќе од неколку дена. Потоа треба да ги замените или да ги ставите во машината за перење на 70 степени.
За крпите истото важи како и за сунѓерите: по употребата тие треба да се исушат и да се заменат најмалку еднаш неделно. Со овие крпи, во никој случај не треба да сушите сурово месо или да ги бришете остатоците од протеини - за оваа намена користете хартиени крпи и потоа веднаш фрлете ги.
Фотографија: picture alliance/chromorange/B. Türk
Во ладно. И во кутии.
На температура под 7 Целзиусови степени, повеќето микроорганизми или не се репродуцираат или го прават тоа многу бавно. Затоа храната која брзо се расипува како месо, риба или јајца треба да се чуваат во најстудениот дел во фрижидерот - обично во кутиите на дното. Многу е важно редовно да се мие внатре фрижидерот, бидејќи во спротивно ќе се појават цели колонии бактерии.
Фотографија: Colourbox
Жешко!
Безбеден начин да се уништат вирусите и бактериите е високата температура. Затоа месото, рибата и јајцата секогаш треба да бидат добро термички обработени. Што значи дека внатрешноста на овие намирници треба да се загрева на најмалку 70 степени и најмалку 2 минути. Салатите, зеленчукот и овошјето кои се јадат свежи мораат да бидат добро измиени. И само тогаш можеме да посакаме: Добар апетит!