Атентаторот со пикап возило во Њујорк е идентификуван како верен следбеник на џихадистичката милиција Исламска држава (ИС). Во меѓувреме, ФБИ објави први успеси во истрагата.
Фотографија: Reuters/J. Rosenberg
Реклама
Обвинителството на Њујорк поднесе кривична пријава против атентаторот од Менхетен за поддршка на странска терористичка организација. На првите сослушувања во болницата, Сајфуло Саипов призна дека за извршување на нападот бил инспириран од видеата на Исламска држава, изјави обвинителот Џон Ким. Во ќесе на местото на злосторството, истражувачите откриле мобилни телефони со илјадници фотографии и филмови поврзани со Исламската држава. Покрај тоа, на местото на злосторството, биле пронајдени белешки напишани на арапски јазик, кои потсетуваат на ИС.
Трамп повикува на смртна казна
Узбекистанецот, кој беше ранет од полициски службеник по нападот, не покажа каење, објавија истражителите. Наместо тоа, 29-годишникот побарал да му биде дозволено да го обесува знамето на ИС во неговата болничка соба.
„Тој рече дека се чувствува добро за неговото дело". Сајфуло Саипов целно го избра денот на „Ноќта на вештерките" за нападот, зашто поаѓал од тоа дека тогаш повеќе цивили се на улица", се вели во соопштението. Отпрво, исто така, размислувал да го прицврсти знамето на ИС на пикап-возилото, со кое тој влета на велосипедската патека и уби осум луѓе. „Но, одлучил против тоа, бидејќи не сакал да привлече внимание", вели истрагата.
Нападот со камионет го шокираше Њујорк
Според американските власти, нападот со камионет во Њујорк, во кој загинаа осум лица, а повеќемина се повредени е терористички акт. Истрагата ја презел Одделот за тероризам на ФБИ.
Фотографија: picture-alliance/AP/dpa/M. Lennihan
Смртоносна патека
Осомничениот 29-годишен мигрант возел со пикап-возило во погрешна насока по прометна велосипедска патека на Менхетен (31.10), при што убил осум луѓе и сериозно повредил уште единаесет лица. Возилото запрело дури по судирот со школски автобус.
Фотографија: Reuters/A. Kelly
Напаѓачот излегот од возилото со оружје в раце
Возачот на пикапот по судирот со школскиот автобус излегол од возилото, држејќи в раце два пиштоли, за кои подоцна е утврдено дека биле лажни. Медиумите тврдат дека напаѓачот е Узбекистанец и пренесуваат изјави на сведоци, кои велат дека извикувал „Алаху Акбар“ (Алах е голем). Полицаец пукал во осомничениот и го ранил во стомакот.
Напаѓачот се доселил легално во САД во 2010. година. Неколку часа по нападот, компанијата „Убер“ соопшти дека осомничениот бил еден од нејзините возачи. Откако бил застрелан, тој е пренесен во болница во критична состојба, но лекарите сметаат дека ќе преживее.
Њујоршкиот градоначалник Бил де Бласио изјави дека при овој инцидент станува збор за акт на терор. Американскиот претседател Доналд Трамп издал наредба за дополнителни заострени проверки на имигрантите. Полицијата претпоставува дека возачот немал помошници при извршувањето на нападот.
Фотографија: picture-alliance/AP/dpa/M. Lennihan
Жртвите се главно туристи
Возачот на пикапот возел неполн еденипол километар по велосипедската патека. Од жртвите, петмина се Аргентинци, а еден е Белгиец. Групата Аргентинци се наоѓала на Менхетен за да прослави 30-годишнина од завршувањето на школувањето.
Фотографија: Reuters/B. McDermid
Полицијата пронашла порака
Истрагата сега е концентрирана на порака најдена во камионетот, за која се претпоставува дека ја напишал напаѓачот. Полицијата и ФБИ побараа од граѓаните кои биле сведоци на нападот, да достават изјави или евентуални видео-снимки.
Фотографија: Getty Images/K. Betancur
6 фотографии1 | 6
Американскиот претседател Доналд Трамп во меѓувреме побара смртна казна за напаѓачот. „Терористот од Њујорк бил среќен кога прашал дали знамето на ИС смее да го обеси во својата болничка соба", напиша Трамп на социјалната мрежа Твитер. „Тој уби 8 лица и сериозно повреди 12. Тој треба да ја добие смртната казна!"
ФБИ пронашла втор Узбекистанец
Во меѓувреме, Федералната полиција на САД , ФБИ јави за брз успех во истрагата. Имено ФБИ пронашла втор Узбекистаец од кого се надева дека ќе добие повеќе информации за нападот на Менхетен. 32-годишниот Мухамадзор Кадиров бил пронајден помалку за помалку од еден час по издавањето на потерницата по него, соопшти ФБИ, но не наведе повеќе детали за тоа.