Тоа сепак беше повеќе критика и потсмев отколку што Трамп можеше да издржи. Претседателот се поправа по самитот САД-Русија и истакна дека им верува на своите тајни разузнувачки служби. Виновна наводно била граматиката.
Фотографија: picture-alliance/O. Douliery
Реклама
Претседателот на САД, Доналд Трамп изјави дека направил лапсус кога на самитот со рускиот претседател Владимир Путин во Хелсинки рекол дека не гледа зошто Москва би се мешала во американските претседателски избори во 2016 година.
Фотографија: picture-alliance/dpa/M. Metzel
Трамп на новинарите во Белата куќа вчера им рече дека всушност сакал да каже дека не гледа зошто Русија „не би“ била одговорна за мешање во тие избори. Тој истакна дека го прифаќа заклучокот на американската разузнувачка заедница дека Русија се мешала во изборите на кои тој стана претседател, но негираше дека неговиот изборен штаб бил во дослух со Москва за време на предизборната кампања.
Трамп говореше пред новинарите еден ден по самитот во Хелсинки, откако речиси целокупната американска јавност остро го критикуваше неговиот однос кон рускиот лидер. Тој во Хелсиники не ја осуди Русија за мешање во американските избори, додека Путин рече дека посакувал Трамп во 2016 година да ја победи кандидатката на Демократската партија, Хилари Клинтон.
Карикатури за Трамп: Кога смеата е единствена утеха
Карикатуристи од целиот свет реагираат на победата на Трамп
Фотографија: L. Gäbel
Сексуален напад
Карикатурата на хамбуршкиот уметник Ленарт Гебел го обиколи светот за кратко време. Една агенција од Лос Анџелес поажа интерес за печатење на неговото дело на маици. Уметникот е среќен поради успехот и е сигурен дека и во иднина Трамп „ќе си дозволи“ одредени работи кои ќе послужат како мотив за него и останатите колеги од целиот свет.
Фотографија: L. Gäbel
Фризура број еден
Косата на следниот претседател на САД беше инспирација за многу шеги. Пред неколку месеци во јавноста излезе видео на кое е прикажана „фармата на Трамп“ за перики. Всушност, стануваше збор за поле со сено во Норвешка. Косата на Трамп исто така добро стои и на кокпитот на претседателскиот авион.
Фотографија: Twitter/@Knightcartoons
Африканска перспектива
„Имајќи ја предвид омразата на Доналд Трамп кон црнците ќе ја напуштиме земјата. Тој може да прави што сака со неа“ вели оваа карикатура од Абдулкарим Баба Амину, познат културен критичар, новинар и илустратор од Нигерија.
Фотографија: DW/Abdulkareem Baba Aminu
Дамата Слобода чука на вратата на Канада
Во паника и со загрижен поглед во очите, „Дамата Слобода“ чука на вратата на соседот - Канада. Карикатуристот Угрек ја црташе симбиличната фигура во многу различни анти Трамп карикатури.
Фотографија: Twitter/@ygreck
Без религиски бариери
Карикатуристот Гадо е еден од најпознатите илустратори во Африка. Тој во својата карикатура се осврнува на едно од ветувањата на Трамп во предизборната кампања кое гласеше: „Ветувам дека ќе го зачувам христијанството“. На карикатурата е прикажано како тој распнува муслиман на крст.
Секој може да биде претседател
Белгискиот артист Лектр креираше многу различни карикатури за Трамп. Оваа покажува дека за 8 години, идејата дека „Секој може да биде претседател“ се смени од оптимистичка мисла во причина за очај кај многумина.
Фотографија: Twitter/@lectrr
Агресивни графити
Погрдно претставување на Трамп веќе може да се забележи во Барселона. Шпанија, исто така, беше шокирана од неочекувааниот успех на републиканскиот кандидат „Невидената популарност и избирањето на њујоршкиот магнат ја остави половина планета без зборови“, напиша колумнист за шпанскиот весник Еј Пај.
Фотографија: Getty Images/AFP/J. Lago
Куп од измет
Куп од измет околу кој кружат муви. На овој начин уличниот уметник Хенски го доживеа претседателскиот кандидат Донaлд Трамп уште пред да биде номиниран од републиканците. „Портретот“ од август 2015 година беше исцртан на ѕид од еден познат трговски центар во Њујорк.
Фотографија: picture-alliance/abaca/Van Tine Dennis
