Мексико може да здивне: царините со кои се закани американскиот претседател кон земјата засега нема да се воведат. Тактиката на Доналд Трамп против илегалното доселување се чини има ефект.
Фотографија: Getty Images/S. Rousseau
Реклама
САД и Мексико постигнаа писмен договор, твиташе американскиот претседател Доналд Трамп. „Царините, чие воведување го планираа САД за в понеделник против Мексико, со тоа се одложени на неодредено време“, дополни Трамп. За возврат Мексико најавил подготвеност да преземе мерки против „бранот на миграција“ преку Мексико и на јужната граница на САД, заради „нејзино силно редуцирање или окончување.“
„В понеделник нема да има воведување американски царини за мексикански производи“, потврди и мексиканскиот министер за надворешни работи Марсело Ебрард. То веќе со денови престојува во Вашингтон заради преговори.
Владата на Мексико неодамна најави цела редица мерки против илегалното иселување во САД, меѓу кои и испраќање на 6.000 припадници на Националната гарда на границата кон Гватемала. Освен тоа, ќе се зајакнат санкциите против шверцерските банди и ќе се намали доделувањето хуманитарни визи, соопшти Ербрард.
САД од својата страна можат да ги враќаат Централноамериканците назад во Мексико по целата должина на границата со Мексико, каде тие треба да сочекаат на обработка на нивните барања за азил. Досега тоа беше можно само во неколку градови.
Мексиканскиот министер изјави и дека САД ќе го поддржат мексиканскиот план за одржлив развој во Централна Америка. Според него, во иднина ќе се вложува повеќе во образование, инфраструктура и економски развој, заради запирање на масивното иселување во правец кон север.
Бројот луѓе кои илегално ја преминуваат јужната граница на САД во изминатите месеци значително се зголеми. Најчесто станува збор за мигранти од Ел Салвадор, Гватемала и Хиндурас, кои бегаат гонети од сиромаштија и насилство во нивните татковини и тоа обично во групи. Најголем дел од овие мигранти поднесуваат барање за азил во САД.
Со заканата за воведување казнени царини, Трамп сакаше да го принуди Мексико да преземе подрастични чекори против илегалното доселување, што сега очигледно и успеа. Царините ќе имаа катастрофални последици за мексиканската економија: околу 80 проценти од вкупниот извоз земјата го пласира во САД.
Граница САД-Мексико: Бетон наместо челик
Ѕидот на границата со Мексико ќе се гради. Американскиот претседател Доналд Трамп потпиша соодветен декрет. На делови од границата веќе има ограда. Дали сега челикот ќе биде заменет со бетон?
Фотографија: Reuters/J. L. Gonzalez
Трамп има искуство со градење
„На нашата јужна граница ќе изградам голем ѕид. Никој не гради ѕидови подобро од мене и за тој ѕид ќе плати и Мексико.“ Тоа американскиот претседател Доналд Трамп го изјави во текот на кампањата. Досега тој градеше пред сѐ висококатници и хотели. Ѕидот на границата е на прво место на неговиот план од 10 точки во делот на политиката на доселување.
Фотографија: picture-alliance/AP Photo/C. Torres
Крај кој завршува „нигде-никаде“
Границата меѓу САД и Мексико е долга околу 3.200 километри. Од нив со жица се обезбедени околу 1.100 километри. Границата минува низ четири американски и шест мексикански сојузни држави, минува низ пустина и големи градови. Поради лошата пристапност, еден мал дел од границата во Њу Мексико е отворен. На други места пак патролираат службеници за заштити на границата.
Фотографија: Reuters/M. Blake
Несовладлив челичен џин
Бројот на илегални доселеници во САД се проценува на околу 350.000 годишно. Голем дел од нив доаѓаат од Мексико. Дел од доселениците од Мексико се толерираат. Од друга страна, мексиканските семејства не добиваат виза. Доселениците си посакуваат подобар живот, работа и повеќе пари за своите семејства.
Фотографија: picture-alliance/dpa/A. Zepeda
Само мал допир
Семејствата живеат разделени со ограда. Прегратка не е можна. Во најдобар случај низ челичните шипки може да се протне рака. Ако Доналд Трамп го оствари најавеното, тогаш наместо челик овде ќе има бетон. Тогаш и мал допир нема да биде можен.
Фотографија: picture-alliance/ZumaPress/J. West
Од изолација до предрасуди
„Кога Мексико праќа луѓе, тогаш не ги испраќа најдобрите“, рече Трамп во текот на кампањата. „Испраќа луѓе кои прават многу проблеми. Тие носат дрога, злосторства, силувачи. Некои, би рекол, се и добри луѓе.“ Трамп сака да ги протера илегалните доселеници, барем оние кои се со криминално досие. Сепак, и покрај заканите, многу Мексиканци не се откажуваат од своите планови за бегство во САД.
Фотографија: picture-alliance/AP Photo/G. Bull
Пустина, граница и назад
За некои Мексиканци сонот завршува на границата. Тие завршуваат в затвор. Други за илегално минување преку границата плаќаат со својот живот. Медиумите критикуваат дека безбедносните сили пукаат преку границата. Дури во 2015 година за тоа првпат е обвинет припадник на американската погранична служба.
Фотографија: Reuters/D.A. Garcia
Со сачмарка против непожелните гости
Џим Чилтон, американски фармер, во патрола низ својот имот. Неговата фарма на површина од 200.000 квадратни метри на југоистокот од Аризона граничи директно со Мексико. Помеѓу има само бодликава жица. Чилтон се смета себеси лично одговорен за безбедноста и одвреме-навреме посега по сачмарката.
Фотографија: Getty Images/AFP/F.J. Brown
Чуден крај
„Тортиља ѕид“ е потценувачкиот назив на 22,5 километри долгиот дел од границата меѓу Отеј Меса Бордер Кросинг во Сан Диего (Калифорнија) и Пацификот. Оградата завршува во водата. За да се побегне на другата страна е доволно само да се исплива околу оградата.