Претставниците на меѓународната посредничка Тројка за Косово за текот на преговорите денеска ќе ги информираат учесниците на самитот НАТО – Русија. Според рускиот претставник во Тројката, Александар Боцан Харченко важно е Алијансата да се информира за развојот на настаните бидејќи тие се грижат за безбедноста во покраината. Инаку, ниту по вчерашните преговори меѓу косовската и српската делегација во Брисел со посредство на Тројката, на повидок нема решение за статусот на Косово. Белград остана на предлогот за суштинска автономија, додека Приштина не се откажува од плановите за независност. Новата рунда преговори е закажана за в понеделник во Виена.