Турција во знак на протест од усвоената американска резолуција за масакрот врз ерменците го повлече на консултации својот амбасадор од Вашингтон. Министерството за надворешни работи во Анкара соопшти дека тој ќе биде задржан во Турција во наредните десет денови. Комитетот за надворешна политика на претставничкиот дом на Конгресот и покрај противеењето на Белата Куќа усвои документ во кој страдањата на ерменците за време на првата светска војна се означува како геноцид.