Убедлива изборна победа на Самоопределување во Косово
ЖА / агенции
15 февруари 2021
Левоориентираната партија Самоопределување е победник на парламентарните избори во Косово. Од партијата на чело со Албин Курти граѓаните очекуваат темелни промени во земјата.
Фотографија: Florion Goga/REUTERS
Реклама
По пребројувањето на речиси сите гласови, реформското движење Самоопределување на поранешниот активист за човекови права Албин Курти е победник на изборите со освоени 48 проценти гласови. Долги години владејачката Демократска партија на Косово, ПДК, произлезена од УЧК, добила 17 % гласови, соопшти Централната изборна комисија, додека Демократската лига на Косово, ЛДК, која владееше досега, стигнала до 13 %. ПДК и ЛДК го признаа поразот, досегашниот премиер Авдула Хоти од ЛДК најави дека ќе бидат конструктивна опозиција во парламентот.
Во предизборната кампања, Курти на граѓаните им вети ставање крај на непотизмот и корупцијата. „Наши приоритети се праведност и работни места, патот пред нас е долг, и ние ќе правиме грешки, но нашите цели се достоинствени“, истакна тој.
Во партијата Самоопределување на Курти се собрани првенствено помлади и досега неекспонирани политичари, а неодамна и познатата политичарка Вјоса Османи премина од ЛДК во Самоопределување. Актуелната преодна претседателка и од претходно претседателка на парламентот беше кандидирана како втора на листата на Самоопределување, а може да се надева да биде избрана за претседател на државата.
За пријателството нема граници
05:06
This browser does not support the video element.
45-годишниот Курти се вбројува во новата генерација политичари кои притискаат за растурање на старата гарда која доминираше со поранешната српска покраина од прогласувањето независност на земјата со околу 1,8 милиони жители во 2008 година.
Курти, кој се смета за харизmатичен политичар, уште како студент во 1990-те години предводеше демонстрации против тогашната српска власт во Косово. Од февруари до јуни 2020 година ја извршуваше премиерската функција, од која мораше да замине откако тогашниот партнер ЛДК ја напушти коалицијата и се поврза со други партии.
По изборната победа, Курти повторно стреми кон премиерското место. Централната изборна комисија меѓутоа го отстрани од кандидатската листа на неговата партија поради тоа што е осудуван – во 2018 година доби казна за напад со солзавец во парламентот. Курти смета дека новиот парламент може да го избере за шеф на владата иако нема пратенички мандат, што според уставот можеби не е јасно регулирано.
Србија и Косово: 15 погледи на „внатрешниот дијалог“
Уставот на Србија вели: „Покраината Косово и Метохија е составен дел на територијата на Србија...“ Уставната рамка главно ја игнорира политичката стварност. Уличните призори зборуваат за расположението во земјата.
Фотографија: DW/D. Dedovic
Српскиот „ѕид на плачот“
Српските граѓани веќе навикнаа на тоа зградата на парламентот да се порабува со лица на загинати и грабнати луѓе во „Вториот косовски бој“. Овој жичен ѕид е отстрануван повеќепати, но тој повторно се појавува како обвинување на сметка на Западот и албанските герилци.
Фотографија: DW/D. Dedovic
Лицата обвинуваат
Лицата на киднапирани Срби од 1989/1999 година служат како главен аргумент за обвинувања на сметка на Северноатлантскиот Сојуз и Европската Унија.
Фотографија: DW/D. Dedovic
Меѓу Косово и Крим
Моден детал со политички некоректна русофилска формула на белградската пешачка зона. Туристите од Запад радо го купуваат бизарниот сувенир.
Фотографија: DW/D. Dedovic
Руска алтернатива
Борис Тадиќ во предизборната кампања во 2008 година го ифрли слоганот „И Косово и Европа“. Овој графит одговара на очекуван начин.
Фотографија: DW/D. Dedovic
Таблоидите србуваат
Острите политички пароли на ѕидовите можеби станаа поретки затоа што сѐ повеќе врескаат насловите на таблоидните печатени производи.
Фотографија: DW/D. Dedovic
Браќата Шпанци
Шпанскиот е популарен во Белград. Не толку во училиштата за странски јазици, колку во „Немањина“ улица, во близина на Министерството за надворешни работи.
Фотографија: DW/D. Dedovic
Срце и аритмии
Додека еден белграѓанин се обидува да пронајде нешто корисно во отпадот, од ѕидот го бодри позната крилатица.
Фотографија: DW/D. Dedovic
Кој не е со нас е против нас
Фудбалскиот сојуз на Србија попусто се бунеше против одлуката на УЕФА од мај 2016-та за прием на Косово како полноправна членка. Одлуката е конечна од почетокот на 2017-та.
Фотографија: DW/D. Dedovic
ЕУ како империја
Космет всушност е кратенка (Косово и Метохија). Во зборот „Евробска“ се сокрила придавката „робска“.
Фотографија: DW/D. Dedovic
Вдахновение во премин
Плод на патриотско-поетско вдахновение на ѕидот на премин меѓу главната и една споредна улица во Лексовац.
Фотографија: DW/D. Dedovic
На КиМ со благослов
Дел од уличните призори во градовите се и повиците за обиколка на манастирите и на српските општини на Косово, со благослов на црковните власти.
Фотографија: DW/D. Dedovic
Римување, некому стравување
Опомена за српската политичка елита, доколку некој случајно помислува на некаков вид признавање на косовската независност.
Фотографија: DW/D. Dedovic
Урнатини кои опоменуваат
Своевиден споменик кој со својата наказност во градскиот пејсаж потсетува на бомбите кои во 1999 година ги испрати НАТО.
Фотографија: DW/D. Dedovic
Албанци кои се сакаат
Актерската легенда Беким Фехиу од 2010 година (кога си го одзеде животот) не е меѓу живите белграѓани, но неговата книга и натаму е хит во излозите на белградските книжарници.
Фотографија: DW/D. Dedovic
Трунка надеж
Повеќето графити на улиците сепак се тематски надвор од „внатрешниот дијалог“. Можеби најрадикалните пароли се преселени на социјалните мрежи.
