Најавени нови преговори и прекин на огнот во Мариупол
СН/агенции
31 март 2022
Русија за денеска најави локален прекин на огнот во завојуваниот украински град Мариупол. Властите во Киев најавата ја оценија како „манупулација“. За утре пак е најавена нова онлајн рунда на мировните преговори.
Сателитска фотографија од разузнатиот украински град МариуполФотографија: Maxar Technologies/AP/picture alliance
Реклама
Русија и Украина ќе ги продолжат мировните преговори по пат на интернет на 1 април, соопшти високиот украински претставник вчера, откако беше завршен последниот круг преговори во Турција.
Украинскиот преговарач, Давид Аракхамиа, соопшти оти Украина предложила да се сретнат челниците на овие две земји, но дека Русија одговорила оти е потребно уште да се работи на нацрт-договорот.
Официјален Кремљ во средата оцени дека немало „напредок“ во преговорите меѓу завојуваните страни во Истанбул. Оваа оценка следеше по пораната и пооптимистична изјава на главниот руски преговарач, Владимир Медински, кој рече дека Киев покажал волја да ги прифати главните руски барања, вклучувајќи го откажувањето за членство во НАТО, но со забелешка оти ставот на Москва за Донбас и за Крим останува непроменет.
Преговарачите од Москва и од Киев на 1 април ќе одржат онлајн средбаФотографија: Sergei Karpukhin/TASS/dpa/picture alliance
Украинскиот претседател, Володимир Зеленски, рано утрината во видео обраќање изјави дека мировните преговори меѓу Украина и Русија ќе продолжат „но, тоа засега тоа се само на зборови, ништо конкретно“.
Прекин на огнот во Мариупол или руска „манипилација“?
Во меѓувреме руското Министерство за одбрана соопшти дека локален прекин на огнот во украинското пристаниште во Мариупол треба да започне денеска за да се евакуираат цивили од заволуваниот град.
Оваа мерка треба да овозможи отворање на хуманитарен коридор до украинскиот град Запорожје, наведоа доцна синоќа од министерството.
„За да успее хуманитарната операција, предлагаме таа да биде спроведена со дикректно учество на претставници од Високиот комесаријат на ОН за бегалци и од Меѓународниот комитет на Црвениот крст“, додадоа од руското министерство.
Мариупол, градот кој не се предава
Во четвртата недела од руската агресија врз Украина, нападите врз цивилното население се засилуваат. Додека оние кои можат бегаат од Мариупол, Киев одбива предавање на опколениот град.
Фотографија: Str/AA/picture alliance
Егзодус од Мариупол
Изминатата недела, десетици илјади луѓе се обидуваат да избегаат од уништениот град Мариупол. Од почетокот на војната, стратешки важниот јужен пристаништен град е соочен со непрекинато бомбардирање и ракетни напади, голем дел врз цивилни цели. Според руски извори, околу 130.000 од 440.000 жители на градот и натаму се во него.
Фотографија: Str/AA/picture alliance
Уништен град
По четиринеделно непрекинато бомбардирање, во градот повеќе не може да се живее. Според градската администрација, 80% од становите се уништени. Многу фотографии од Мариупол прикажуваат уништени или изгорени станбени згради, како оваа на руската државна агенција Тасс.
Руските напади врз цивилни цели во Украина наведоа повеќе западни политичари да зборуваат за руски „воени злосторства“. Меѓу нив се германската министерка за надворешни работи Аналена Бербок и шефот на дипломатијата на ЕУ, Жозеп Борел. Борел рече дека Русија ја уништува Украина без никаква почит за правилата на војување.
Фотографија: REUTERS
Русија тврди дека напаѓа само стратешки цели
Русија тврди дека напаѓа само стратешки и воени цели. Москва ја обвинува украинската единица „Азовски баталјон“ за ракетирањето на театарот во Мариупол. Стотици луѓе се спасија од урнатините, благодарение на бункер во подрумот на театарот, кој сега е целосно уништен.
Проруските сепаратисти, кои го контролираат регионот Доњецк во источна Украина, ги набљудуваат излезите од градот. Тие се отворени само за невооружени цивили кои сакаат да си заминат од градот.
Фотографија: Str/AA/picture alliance
„Евакуирани“ на непријателска територија
Оваа фотографија, објавена од руската државна агенција Тасс, прикажува луѓе евакуирани од Мариупол во окупираниот Доњецк. Русија тврди дека сака да им обезбеди заштита на украинските бегалци. Градскиот совет на Мариупол, пак, ја обвинува Русија дека им дозволува на сепаратистите насила да ги одведуваат украинските бегалци во Русија.
Мариупол не е единствениот украински град погоден од руските напади. Во северна и источна Украина, ракети и гранати непрекинато паѓаат врз големи градови како Суми, Харков и Киев. Ова се остатоците од трговски центар во Киев откако беше погоден од руски проектил. Четири лица загинаа во нападот.
Фотографија: Daniel Ceng Shou-Yi/ZUMAPRESS/picture alliance
Ukraine rejects surrender of Mariupol
On Sunday, Russia had given Ukraine an ultimatum to surrender Mariupol by Monday afternoon. Ukraine rejected the demand. Instead, thousands of civilians again left the city, which the Ukrainian government says is under continuous fire. According to Russian separatist leader Denis Pushilin, the battle for Mariupol could last weeks longer.
Украинските власти оценија дека најавата за запирање на огнот во Мариопол е манипулација и порачаа оти не веруваат во ветувањата на Русија дека ќе го намали своето воено присуство.
„Не веруваме никому, на ниту една убава фраза“, изјави утрината украинскиот претседател, Володимир Зеленски, и додаде оти е забележано трупање на руски сили во Донбас на истокот.
