168 милиони деца не одат на училиште поради короната
Штефан Штикелман
3 март 2021
Студија на УНИЦЕФ застрашувачки јасно покажува дека поради мерките за сузбивање на пандемијата речиси се уништени шансите за образование на и онака запоставените деца.
Инсталација на УНИЦЕФ во Њујорк: „Пандемиска училница“Фотографија: Chris Farber Productions Inc./UNICEF/Getty Images
Реклама
Речиси една година над 168 милиони деца во светот се исклучени од настава поради мерките за сузбивање на пандемијата на коронавирусот, покажува студија на УНИЦЕФ. 214 милиони деца пропуштиле три четвртини од училишнатанастава. Извршната директорка на УНИЦЕФ, Хенриета Форе во Њујорк оцени дека поради локдаунот во светот има настапено „катастрофална образовна криза“.
Хенриета Форе, извршна директорка на УНИЦЕФФотографија: Indranil Mukherjee/AFP/Getty Images
Според извештајот „Ковид-19 и затворањето на училиштата - една година без училиште“, 14 држави во светот од март 2020 година до февруари 2021 година се наоѓале главно во локдаун. Две третини од овие земји се наоѓаат во Латинска Америка и Карибите. Во нив има речиси 98 милиони деца на школска возраст. Од 14-те држави, училиштата биле затворани во најголем дел од времето во Панама, по што следуваат Ел Салвадор, Бангладеш и Боливија.
Во училиштата децата комуницираат со врсниците, добиваат поддршка, имаат пристап до здравствени услуги и вакцини, а добиваат и оброк. Најмногу загрозените деца, како и децата без пристап до настава на далечина, се изложени на ризик да не се вратат веќе на училиште, да склучат детски бракови или да бидат приморани да работат, соопшти УНИЦЕФ. „Најзапоставените деца ја плаќаат највисоката цена“, оцени Форе, додавајќи: „Не смееме да не правиме обиди за отворање на училиштата.“
За да го сврти вниманието на образовната криза УНИЦЕФ во Њујорк ја откри инсталацијата „Пандемиска училница“, односно модел на училница со 168 празни клупи. Секоја од клупите е симбол за еден милион деца кои живеат во земји каде училиштата се речиси постојано затворени веќе цела година. „Зад секој стол е обесен празен ранец - симбол за во позадина турнатиот потенцијал на децата“, рече Форе.
Корона: Училишна настава со пречки
Во многу земји повторно расте бројот на новозаразени со коронавирус. Тоа во светски рамки ги става и училиштата пред големи предизвици. Како различни земји се справуваат со проблемот?
Фотографија: Getty Images/L. DeCicca
Тајланд: Настава зад пластична преграда
Околу 250 ученици од училиштето „Ват Клонг Тој“ во Банкок мораат за време на часовите да седат зад пластични прегради. Покрај тоа мора да носат и заштитна маска. Пред секоја училница се наоѓа мијалник и сапун, апарати за мерење температура се поставени на училишниот влез. Строгите мерки покажуваат резултати: од средината на јули во училиштето нема нови инфекции.
Фотографија: Getty Images/L. DeCicca
Германија: Почеток на учебната година со заштитни маски
Учениците во Основното училиште „Петри“ во Дортмунд се пример за начинот на кој со пандемијата се справува најбројната германска сојузна покраина-Северна Рајна Вестфалија. Во сите училишта важи обврска за носење маска. За разлика од останатите 15 покраини, тука маска мора да се носи и за време на часовите. Какви ќе бидат последиците, не може да се процени, учебната година започна на 12. август.
Фотографија: Getty Images/AFP/I. Fassbender
Палестина: Училиштата конечно отворени
И во ова училиште во Хеброн во Западниот Брег, околу 30 километри јужно од Ерусалим, повторно почна настава. Исто така со обврска за маски, а во некои случаи и гумени ракавици. Радоста на наставничката поради почетокот на учењето е забележлива, без оглед на маската. Училиштата во Западниот Брег беа затворени од март. Хеброн се сметаше за епицентар на заразата со коронавирус.
Фотографија: Getty Images/AFP/H. Bader
Индија: Настава преку разглас
Посебна понуда во ова училиште во селото Дандвал во западната индиска држава Махараштра: на учениците кои немаат пристап кон интернет, им се нуди еден вид дополнителна настава за да го надокнадат пропуштеното. Учениците часовите ги одржуваат на отворено, наставниците им се обраќаат преку разглас, со претходни снимки. Оваа индиска држава беше посебно силно погодена од заразата со коронавирус.
Фотографија: Reuters/P. Waydande
Конго: Без измерена температура, нема училиште
Надлежните во престижниот кварт Лингвала во главниот град на државата, Киншаса, сериозно ги сфаќаат мерките за сузбивање на пандемијата на коронавирус. На секој ученик кој ќе стапне во училишниот двор на училиштето „Отец Ким“, прво му се мери телесната температура. Постои обврска за носење маска.
Фотографија: Getty Images/AFP/A. Mpiana
САД: Рекорден број регистрирани со коронавирус
И во САД мерењето телесна температура спаѓа во секојдневниот ритуал на учениците како една од мерките за сузбивање на коронавирусот. Земјата е тешко погодена од корона-кризата, има најголем број починати како последица на Ковид-19.
Фотографија: picture-alliance/Newscom/P. C. James
Бразил: Прегратка за намалување на маките
Маура Силва е наставничка во училиште во западниот дел од Рио де Жанеиро, кон кое гравитираат најголемите сламови на милионската метропола. За барем малку да ја намали болката на своите штитеници, таа развила еден вид „престилка за прегрнување“. Овде е во домашна посета на еден свој ученик и му помага да навлече пластични ракавици пред да може да го прегрне.
