По неколкудневни преговори, Фејсбук и австралиската влада постигнаа договор во конфликтот околу користењето на медиумски содржини на социјалната мрежа.
Фотографија: Robert Cianflone/Getty Images
Реклама
Австралиската влада денеска објави дека Фејсбук прифатил да ја укине забраната за споделување на вести на неговата платформа во оваа земја по постигнатиот договор за законот според кој дигиталниот гигант ќе плаќа за информативните содржини.
Министерот за финансии Џош Фрајденберг, и Фејсбук потврдија во одделни соопштенија дека постигнале договор за измена на предложениот закон според кој Фејсбук и Гугл ќе плаќаат за вестите кои се објавуваат на нивните мрежи.
Џош Фрајденберг, министер за финансии на АвстралијаФотографија: picture-alliance/AP Photo/B. De Marchi
Минатата недела Фејсбук го блокираше пристапот на австралиските корисници и споделувањето на вести кога Претставничкиот дом во Австралија го усвои нацрт законот за плаќање на овие содржини.
Горниот дом на австралискиот Сенат треба да го разгледа законот денеска.
„Фејсбук ја информираше владата оти има намера да ги врати австралиските страници со вести во наредните денови“, изјавија австралиските министри за финансии и за комуникација во соопштението.
Австралиското министерство за здравство, пак, вчера соопшти дека веќе нема да објавува реклами преку Фејсбук како одговор на мерките на оваа социјална мрежа која ги блокираше вестите поради протест на владиниот предлог закон. Ова е објавено во момент кога Австралија ја започнува кампањата за вакцинирање против Ковид-19, во чие промовирање владата вложи околу 16,5 милиони евра за да се спротистави на теориите на заговор и на антиваксерите.
Кога Фејсбук уметноста ја претвора во порнографија
Познати сликарски дела, изложени во музеите, се погодени исто како и афирмирани знаменитости: Фејсбук повремено блокира фотографии со делумно чудни образложенија, за кратко потоа да се извини.
Фотографија: picture-alliance/dpa/F. Rumpenhorst
Слобода го предводи народот
Жртва на интерните правила на Фејсбук беше дури и националната фигура на Француската Република: бидејќи жената која ја симболизира слободата на сликата на уметникот Ежен Делакроа е со разголени гради, Фејсбук избриша пост во кој беше уметничкото дело. Подоцна концернот се извини и го врати постот.
Фотографија: picture-alliance/dpa
Потеклото на светот
Приказот на женски гениталии, масло на платно од уметникот Густав Курбе од 1866. година од своето настанување предизвикува контроверзи и со децении беше скриено од очите на јавноста. Во 2011. година еден учител го постира на Фејсбук, а по блокирањето на акаунтот, бараше надомест на штета и го тужеше Фејсбук за цензура. Судот во март годинава (2018) донесе одлука во полза на Фејсбук.
Венера од Вилендорф
Праисториската статуа „Венера од Вилендорф“, која често е трн во окото на „чуварите на моралот“, Фејсбук ја цензурираше како „опасна порнографија“, а потоа се извини. Фигурата со големина од 11 сантиметри, а стара околу 30.000 години, прикажува гола жена и е еден од најзначајните експонати во Природно-историскиот музеј во Виена.
Фотографија: picture-alliance/H.Fohringer
Нептун
Фејсбук не е строг само кон приказите на женските облини: на почетокот на 2017. една италијанска авторка сакала својата страница за историјата на Болоња да ја рекламира преку фотографија на тамошната статуа на Нептун, поставена на Пјаца Нептуно. Фејсбук реагираше - прикажувањето на содржини недозволени за лица под одредена старосна граница и на лица во двосмислени пози се коси со неговите правила.
Бронзената фигура на крајбрежното шеталиште во Копенхаген уште од 1913. година е симбол на љубовта. Поранешна данска министерка за земјоделство со фотографија од статуата сакала да привлече внимание на текст на својот блог. Фејсбук го избришал постот, со образложение, внимавајте! - фотографијата прикажува премногу гола кожа! Кај бронзена фигура! И по ова следеше извинување од концернот.
