Хенри Форд не само што го револуционизираше транспортот со неговиот Форд T Модел, туку неговиот гениј остави длабок печат врз индустриското производство. Моделот Т го означи почетокот на модерната ера на производство на индустриска лента.

Во времето кога „Златната ера“ беше во полн замав, Ролс Ројс го лансираше својот луксузен модел, Фантом кој се уште се користи како модел за модерните возила. Интериерот на возилото беше изработуван согласно желбата на идниот сопственик. Богатите Индијци имаа многу специфични идеи за дизајн, па тие возила денес вредат милиони.

Семејно возило кое се користеше и за трки- за таков автомобил важеше Алфа Ромео 8C, етаблирајќи го италијанскиот бренд како симбол за брзи и секси возила. Во 1930-те, овој модел се издвојуваше од конкуренцијата поради моторот со 8 цилиндри. Производството во првите години беше многу лимитирано, па возилото стана сон на секој колекционер.

Мерцедес 300SL беше замислен како улично тркачко возило, а неговиот симбол беа специфичните врати. Тоа беше и првиот автомобил со мотор со директно вбризгување на гориво. Беа произведени само 29 вакви модели со алуминиумска каросерија.

Автомобилот го достигна врвот на својата популарност во 1950-те и 60-те години, а оттогаш, иако доживеа и десетта генерација во 2002 година, неговата популарност е во постојано опаѓање. Оригиналниот Елдорадо сепак остана икона на дизајнот.

Оставете ги Британците да измислат безвременски дизајн, прекрасни детаљи и извонредни перформанси во автомобилизмот. Овој Јагуар ја карактеризираше промената на стилот во 1960-те години и беше прогласен за еден од „100-те најубави автомобили во светот“ од Дејли Телеграф. Енцо Ферари го нарече „најубавиот автомобил воопшто произведен“.

Името му е Мартин, Астон Мартин. Исто како и мартинито и тој му припаѓа на заводничкиот арсенал на Џејмс Бонд. Едвај 1.000 модели беа произведени, а DB5 ја имаше својата главна улога "Голдфингер“ во 1964 година.

Авантуристичкиот дизајн на Форд и натаму се обожува ширум светот. Оригиналното име го доби по дизајнерот Керол Шелби. Низ годините драматично растеше неговата хауба, воглавно за да го смести сѐ поголемиот и посилен мотор.

Како директен конкурент на Форд Мустанг, Шевролет го претстави Камаро во 1967 година. Одржувајќи ја традицијата за именување на своите модели со имиња кои започнуваат со „Ц“, првично планираното име „Пантер“ беше отфрлено само неколку дена пред официјалната промоција.

Ова е веројатно „најсовремениот“ од сите класични Олдтајмери. Не морате да одите на саем на Олдтајмери за да ја видите оваа убавина.

Историјата на Порше почнува уште во 1898 година - со електромобил! Основачот на династијата на спортски автомобили Фердинанд Порше, тогаш 23-годишен, го конструирал P1, еден вид кочија на електричен погон. Возилото беше сокриено повеќе од 100 години, за неодамна да биде пронајдено во една шупа. Неговата брзина е 25 километри на час.

Прототипот на подоцнежните „Бубачки“ на Фолксваген од 1937 година се вика Тип 60 (В30). Фердинанд Порше работел исто така на негово создавање. Идејата за овој прототип се должи на целта на националсоцијалистичка Германија да создаде автомобил за голем дел од народот. Производството на „Бубачката“ траеше се‘ до 2003-та. Со над 21,5 милиони возила до 2002. беше најпродаван автомобил на светот.

Моделот на автомобили кој во поранешната ГДР почна да се произведува во 1958 година се викаше Трабант. Тој се произведуваше во Цвикау. „Траби“ овозможи моторизирање на голем дел од народот во Германската Демократска Република. Автомобилот беше само минимално менуван и незначително натамошно усовршуван, така што стана огледало на нефлексибилноста на ГДР-економијата.

Моделот Т на автопроизводителот Форд до 1972-ра беше најпродаван автомобил во светот. Потоа титулата ја освои „Бубачката“ на Фолксваген, а подоцна таа му припадна на Голфот. Од 1908. до 1927. во САД без произведени 15 милиони автомобили од овој тип. Технички едноставното возило има голема симболична вредност. Токму затоа денес се‘ уште има повеќе десетици илјади примероци на овој автомобил.

14 ноември 1945-та: И покрај тешките услови поради тукушто завршената Втора светска војна, Дајмлер Бенц работи на создавање возило за трки кое треба да постави нови рекорди во брзина. Моделот на Мерцедес имаше 3.000 коњски сили и требаше да вози со 450 километри на час.

Ситроен ДС (на француски: Божица, на Балканот познат како Ајкула), покрај 2 СВ (Спачек) е најголемата авто-легенда на Франција. Возилото се произведуваше од 1955 до 1975 година и може да се види во голем број филмови, пред се‘ криминални. Овој автомобил беше првото возило со хидропневматски амортизери, произведен во серија.

Порше 911 е најпознатиот германски спортски автомобил и важи за поим за марката Порше. Првпат беше презентиран во септември 1963 година, на Меѓународниот саем за автомобили во Франкфурт.

И Фолксваген постојано инвестираше во развој на спортски автомобили. Во 2001 година овој автопроизводител со својот тогаш нов прототип „В12 Купе“ постави нов светски рекорд. На една патека за трки тој 7086-те километри ги мина со брзина од 295 километри на час.

Модерните авто-иновации мора да поврзуваат се‘ - сила, брзина, добар изглед и треба да бидат и еколошки. БМВ i8 првпат беше претставен на саемот во Франкфурт, во 2009 година. Од 2013 година почна неговото сериско производство. Каросеријата и моторот на спортскиот автомобил се создадени така да штедат енергија.