Филипче, би се вакцинирал меѓу првите, без резерви
СН/агенции
6 февруари 2021
Конечно, на повидок е почеток на вакцинацијата на македонските граѓани и тоа со кинеската вакцина на Синофарм која се очекува набргу да пристигне во земјата. Се очекува вакцинирање на до 2500 граѓани дневно.
Фотографија: Regierung Nordmazedonien
Реклама
Македонскиот министер за здравство, Венко Филипче денеска соопшти дека во понеделник ќе биде потпишан договорот за набавка на 200.000 вакцини за Ковид-19 од Кина, и изрази надеж дека за најкраток можен временски рок тие ќе стигнат во земјата.
Филипче информираше и дека во текот на изминатите денови е адаптиран и националниот план за имунизација, при што вакцинацијата ќе се врши преку постоечката здравствена мрежа и пунктови за вакцинација. Министерот очекува,со работа на пунктовите со полн капацитет, да се вакцинирааат од 2000 до 2500 граѓани.
Согласно планот од четири фази на имунизација, први ќе бидат вакцинирани сите лица од најризичната група, таа е поделена на две групи: здравствените работници кои работат со Ковид-пациенти и сите граѓани над 70 години.
Во втората фаза се вакцинираат лицата постари од 65 години, лица од 18 до 64 со коморбидитети или здравствени состојби со висок ризик и останатите здравствени работници. Во третата фаза останатите преостанати лица од повеќе групи од други важни дејности при кои не можат да одржуваат физичка дистанца и во последната фаза практично сите граѓани коишто сакаат да примат вакцина на возраст од 18 до 64 години.
Македонија и ковид-19: Седете дома и лапајте витамини
Обврска за носење маски, забрането групирање, ретки или никакви социјални контакти... Пандемијата на коронавирусот од корен го промени начинот на живот на луѓето и нивните навики. Пандемијата во Македонија низ фотографии
Фотографија: Aleksandra Najdovska/DW
Ставете маска
И покрај тоа што македонските здравствени власти постојано предупредуваат дека носењето маска е важно за превенција од пандемијата на коронавирус, дел од луѓето сѐ уште се противат на носење маски. За неносење маски казната за граѓаните е 20 евра, за правните лица – 2000 евра. Затоа влезовите на продавниците од почетокот на пандемијата се „украсени“ и со вакви предупредувања.
Фотографија: Aleksandra Najdovska/DW
Рестрикции и на отворено
Во С. Македонија маски мора да се носат и на отворено, а забрането е и групирање на јавен простор на повеќе од 4 лица по 21 часот. Не се групирајте, е апел кој постојано се повторува од страна на надлежните. Резултатите се половични – покрај дисцплинираните, сѐ уште има луѓе кои се групираат и не преземаат превентивни мерки. Оваа празна клупа трпеливо чека на крај на пандемијата и рестрикциите.
Фотографија: Aleksandra Najdovska/DW
Здравствена криза, економска криза
Угостителските објекти работат со ограничено работно време – само до 21 часот. Исклучок се оние со сервис за испорака. Празните ресторани и кафулиња ја отсликуваат новата реалност што ја создаде пандемијата на Ковид-19. Многу фирми, посебно малите, се плашат од пропаѓање. Ќе им бидат ли доволни средствата за помош од државата?
Фотографија: Aleksandra Najdovska/DW
Каде се другарите?
Околу 90% од учениците следат онлајн-настава, а без проблеми се одвива и наставата со физичко присуство, тврди министерката за образование Мила Царовска. Пандемијата ја забрза дигитализацијата на образованието. Но, привремено го запре нормалниот детски живот. Како актуелното намалување на социјалните контакти влијае врз детскиот развој ќе биде веројатно предмет на многу истражувања во иднина.
Фотографија: Aleksandra Najdovska/DW
Помала осаменост со домашно милениче
Домашните миленици, во време на затворање дома, можат да бидат добар чувар од психолошкиот стрес што со себе го носи пандемијата. Според студија на универзитетите Јорк и Линколн, 90% од испитаниците сметаат дека домашното милениче им помогнало во емоционалното справување со „локдаунот“, а дури 96% се уверени дека со помош на домашното милениче останале во добра физичка кондиција.
Фотографија: Aleksandra Najdovska/DW
Сѐ за здравје
Од почетокот на пандемијата на Ковид-19, во пораст е побарувачката по витамини и сѐ што може да придонесе за зајакнување на имунитетот. Конзумирањето суплементи стана секојдневна рутина на многумина. Притоа, голем дел од она што го препорачуваат лекарите, не го покрива Здравствениот фонд, туку е приватен трошок. Лекувањето чини пари, превенцијата исто така. Но, сѐ за здравје!
Фотографија: Aleksandra Najdovska/DW
6 фотографии1 | 6
Венко Филипче, посочи дека нема резерва кон ниту една вакцина и оти би се вакцинирал меѓу првите со која било вакцина што прва ќе пристигне во земјата. Според него, постои отвореност и за руската вакцина, но во овој момент, како што рече, властите нема да преземаат ништо конкретно кон ниту еден друг извор на вакцини, од една страна за да се види како ќе тече процесот на имунизација и понатаму за да види каква ќе биде динамиката со која ќе стигнуваат вакцините од другите инструменти.
„Ќе бидеме една од ретките земји која во прв момент ќе обезбеди значајна количина на вакцини за сериозно голем процент од населението“ рече Филипче, додавајќи дека земјата има обезбедено 800 илјади вакцини од Ковакс механизмот и за исто толку разговара со компанијата „Фајзер“.
Договорот со американскиот фармацевтски концерн, како што рече министерот, се очекува практично секој ден. Тој нагласи дека здравствените власти ќе сторат сѐ што треба за откако процесот на вакцинација ќе започне, воопшто да не запре.
