Фон дер Лајен се надева на вакцина за коронавирус до наесен
БГ/ ДПА
17 март 2020
Претседателката на Европската комисија денеска изрази надеж дека германска компанија за биотехнологија би можела уште годинава да развие вакцина за опасниот Ковид-19.
Фотографија: Reuters/A. Gebert
Реклама
Претседателката на Европската комисија Урсула фон дер Лајен разговарала со првите луѓе на КјурВак (CureVac), компанија на која ЕУ и понуди финансиска поддршка од 80 милиони евра за истражување на вакцината. Но нејзиното предвидување е далеку пооптимистичко од она на здравствените експерти, кои предвидуваат дека ќе биде потребно меѓу една година и 18 месеци за да се пронајде, тестира и одобри лек.
„Тие работат на ветувачка технологија за развој на вакцина против коронавирусот“, изјави вечерва Фон дер Лајен во видео порака.
„ЕУ ќе им обезбеди 80 милиони евра и се надевам дека со таа поддршка можеме да имаме вакцина на пазарот, можеби и пред есента. Тоа може да спаси животи во Европа и во остатокот од светот“.
Вчера, од КјурВак ги демантираа наводите во медиумите дека американскиот претседател Доналд Трамп им нудел откупување на ексклузивните права за вакцина за коронавирусот, но германската влада соопшти дека „ја ставила под контрола“ ситуацијата.
Фон дер Лајен, пак, изјави дека „фактот што други земји се обиделе да ја купат компанијата покажува дека тие се најнапред во истражувањето“. Таа го оправдува својот оптимизам со најава дека одобрението од регулаторите за евентуалната вакцина може да се забрза. Светска трка по вакцина
Урсула фон дер Лајен се надева на вакцина против коронавирусот до наесенФотографија: Reuters/F. Lenoir
Фармацевтските компании и лабораториите низ светот брзаат да пронајдат вакцина и третмани за новиот коронавирус, користејќи лепеза на различни технологии. Според Бенџамин Нојман, виролог на Универзитетот Тексас A&M во САД, имунизацијата од патогенот е се уште далеку. Никогаш немало многу успешна човечка вакцина против било кој член на семејството на коронавируси.
„Ќе има многу проби, многу грешки, но имаме бројни опции за тестови“, вели Нојман.
Третманот би можел да пристигне порано, затоа што антивиралниот лек „Ремдесивир“ е ветувачки и веќе се користи на ад-хок основа пред да добие дозвола од регулорите.
Кои фирми профитираат од коронавирусот
Стравот од коронавирусот тешко ги погодува финансиски пазари. Кога компаниите мора да ги коригираат своите прогнози за добивка и промет надолу, тоа е отров за курсот на акциите. Но, сепак има и такви кои профитираат.
Кога во последната недела од февруари курсот на акциите ширум светот драматично падна, акциите на платформата за видео стриминг успешно се спротиставија на трендот. Аналитичарите сметаат дека т.н. „останете дома“ акции , како оние на „Нетфликс“ можат да им обезбедат богатство на инвеститорите за време на појавата на коронавирусот, бидејќи на сѐ повеќе луѓе им се вели да останат дома.
Фотографија: picture-alliance/AA/M.E. Yildirim
„Откачете“ го фитнес-клубот
Акциите на фитнес старт-апот Пелотон Интерактив, кој произведува велосипеди за вежбање и, исто така, нуди фитнес часови преку интернет, скокнаа бидејќи стравот од коронавирусот може да поттикне многу фитнес ентузијасти да не одат во своите теретани и клубови и да се одлучат за понудите на Пелотон.
Шефот на фармацевската компанија „Модерна“, Стефан Банкелза кусо време стана милијардер откако компанијата испорача експериментална вакцина против коронавирусот за клиничко тестирање кај луѓето, со што се зголеми цената на нејзините акциите. И Лим Ви Чаи од Малезија, мнозински акционер во фирмата за медицински ракавици „Топ Глав“, влезе во клубот на милијардери среде избувнувањето на вирусот.
Останете дома, останете поврзани
Акциите на телеконференцискиот старт-ап „Зум Видео“ пораснаа речиси за 50% од февруари, откако инвеститорите проценија дека сѐ повеќе луѓе поради стравот од коронавирусот ќе работат од дома. Компанијата веќе придодаде повеќе активни корисници годинава - 2,22 милиони - отколку во целата 2019 година.
Фотографија: zoom.us
Празни полици во супермаркетите
Во супермаркетите, како германскиот „Реве“ и францускиот „Карфур“, прехранбените производи „летаат“ од полиците додека купувачите во паника ги зголемуваат домашните залихи. Затоа инвеститорите засилено вложуваат во акциите на компаниите за пакувана храна. И онлајн трговците, како Амазон, исто така, имаат поголема побарувачка, бидејќи купувачите поради страв од вирусот ги избегнуваат продавниците.
Произведувачите на маски за лице, дезинфекциски средства за раце и дезинфекциски марамчиња се сведоци на огромен раст на побарувачката, бидејќи купувачите бараат начини да се заштитат од вирусот кој брзо се шири. Фирмата „3M“, која меѓу останатото произведува и маски за лице, е една оние со најголема добивка.
Фотографија: picture-alliance/NurPhoto/Yichuan Cao
„Во секое време, насекаде“
Германската софтверска компанија „ТимВјуер“ која им овозможува на корисниците да работат од далечина (од дома), е сведок на голема побарувачка на нејзините услуги, особено во Кина, епицентарот на коронавирусот. На Франкфуртската берза цената на акциите на оваа компанија забележа огромен раст во изминатите неколку дена.
Фотографија: picture-alliance/B. Kammerer
7 фотографии1 | 7
Претседателот на САД Доналд Трамп ги повика научниците и компаниите за лекови да го забрзаат процесот- но експертите велат дека фундаменталните ограничувања би можеле да го ограничат просторот.
„Вакцината мора да има основна научна база. Треба да може да се произведе. Треба да биде безбедна. Тоа може да трае до една, една ипол година- или многу подолго“, напиша Холден Торп, главниот уредник на журналот Наука во одговор на барањето на претседателот.
„Фармацевтските директори имаат голем поттик да стигнат дотаму брзо- на крајот на краиштата ќе ја продаваат вакцината- но тие исто така знаат дека не можат да ги прекршат правилата на природата за да стигнат дотаму“, пишува тој.
САД финансираат повеќе компании преку Министерството за здравство, Човечките ресурси и Националниот институт за здравство.
Коалицијата за иновации во епидемиолошката подготвеност, глобална организација со седиште во Осло, исто така финансира многу компании, претежно помалку партнери кои немаат капацитет за масовно производство, Досега има доделено 24 милиони долари.
