Пред точно 30 години беше произведен последниот Трабант. Некогаш презрен како „мал и бучен смрдливко“, народниот автомобил на некогашната Германска Демократска Република сега е омилен кај колекционерите на олдтајмери.
Фотографија: Jan Woitas/dpa-Zentralbild/dpa/picture alliance
Реклама
Трабантите беа произведувани во малиот град Цвикау во германската покраина Саксонија, која тогаш беше дел од комунистичка Источна Германија.
Првиот, подбивно наречен „саксонски Порше“ беше произведен на 7 ноември 1957 година, а последниот на на 30 април 1991 година - и тоа во розова боја.
Од фабриката во Цвикау излегоа повеќе од три милиони примероци од автомобилот со двотактен мотор.
На Трабантот често му се предвидуваше изумирање, но, тој едноставнио „одбива“ да замине во историјата. 30 години по крајот на неговото производство, Трабантот сега официјално има статус на олдтајмер во Германија.
Малиот автомобил до ден денес има верна база на љубители, па дури и повеќе од тоа: Во изминатите десет години во Германија се регистрирани дури 3000 реновирани Трабанти.
А бројот на регистрации, но и неговата вредност растат. Трабант во врвна состојба деновиве може да чини околу 10.000 евра.
Вартбург е мртов, да живее Вартбург!
Последниот Вартбург пред 25 години се „истркала“ од производната лента право во музеј! Оттогаш овој несмасен, но авантуристички источногермански автомобил стана колекционерска икона. Провете зошто е тоа така!
Фотографија: picture-alliance/dpa/A. Burgi
Популарна алтернатива
Едноставно не ги прават како што ги правеа. Вартбург беше популарна алтернатива на раздрнканиот Трабант. За околу 4000 источногермански марки плус (или околу 18.000 источногермански марки вкупно) другарите можеа да добијат возило со повеќе коњски сили и нешто подобар дизајн. Вартбургот исто така имаше и поголема брзина - 120 км на час - но „само по удолница“, велеа граѓаните на Источна Германија.
Фотографија: picture-alliance/dpa/J. Wolf
Во АВЕ
По производството на првиот Вартбург во фабриката АВЕ во Ајзенах во 1955 година, следуваа уште 1,2 милиони возила. Но, по падот на Берлинскиот ѕид, падна и побарувачката по источногермански возила. Одеднаш околу 6.100 работници беа соочени со невработеност.
Фотографија: picture-alliance/dpa
Автомобили има, но не и купувачи
Нивото на економска стабилност во Ајзенах, каде се произведуваше Вартбург, често беше мерено според бројот на возила паркирани покрај патот. Во април 1991 година улиците беа „полни со непродадени возила“, се саќава Харалд Лизке, поранешен раководител на Работничкиот совет на АВЕ.
Фотографија: picture-alliance/dpa/W. Kumm
Опел за спас
Надеж за илјадниците работници во Ајзенбах стигна во февруари 1991 година. Тогаш Опел почна производство на територија на источна Германија, каде се стартуваше со изработка на моделите Корса и Адам. Сепак, половината врабнотени во автомобилската индустрија во источна Германија останаа без работа по обединувањето на државата.
Фотографија: picture-alliance/dpa/M. Schutt
Преживеани
Сѐ на сѐ, во Ајзенах се произведоа 1,2 милиони возила Вартбург. Наспроти тоа, во Цвикау беа произведени 2,8 милиони Трабанти. Денес во Германија легално се возат само околу 7.300 Вартбурзи и 33.500 Трабанти.
Фотографија: picture-alliance/dpa/H. Schmidt
Олдтајмери
Повеќето Трабанти може да се видат на улиците на покраината Саксонија. Но, најдобрите примероци сепак може да се најдат на шоуата на олдтајмери ширум земјата. И Вартбург и Трабант се автомобили кои имаат сѐ уште посебно место во срцата на многу Германци.
Фотографија: picture-alliance/dpa/H. Schmidt
Култ-статус
Некои од сопствениците на Вартбург чекале и по 14 години додека возилото им биде испорачано. При толку долго чекање, не е ни чудо што вториот по популарност автомобил во источна Германија достигна таков култ-статус.