Според вселенски димензии, астероидот „2011 ЕС4" пролета синоќа исклучително близу покрај земјината топка, на далечина од една третина од онаа до Месечината.
Фотографија: NASA/Science dpa
Реклама
Релативно малиот астероид со ознака „2011 ЕС4" вчера доцна попладнето по средноевропско време, мина прилично блиску до Земјата, иако без ризик од колизија. Но, растојанието на кое астероидот помина покрај Земјата, отприлика една третина од дистанцата до Месечината, конкретно тоа се околу 120.000 километри, е многу мало. Астрономите проценија дека астероидот има пречник меѓу 22 и 49 метри. Удар врз Земјата или негов распад во атмосферата веројатно би предизвикал сличен настан како оној на 15 февруари 2013 година во околината на рускиот град Чељабинск, кога метеор од 19 метри се распрсна на 3.000 километри височина во атмосферата над градот. Создадениот притисок предизвика бројни оштетувања на зградите, а повеќе луѓе беа повредени од распрснати стакла.
Астероидот „2011 ЕС4" инаку редовно кружи во земјината орбита.
Разгледници од вселената
Сентинел 1 беше лансиран во вселената на 3. април 2014. година. Првиот сателит во рамките на европската програма за набљудување на Земјата - Коперникус треба да обезбеди податоци за анализа на животната средина.
Фотографија: ESA – S. Corvaja
Први фотографии од новиот сателит
Сентинел -1 би требало да тестира една револуционерна идеја: датотека на податоци во вселената. Сателитот е опремен со специјален ласер, кој овозможува брза размена на големо количество податоци. Тоа е посебно важно кога времето може да чини животи, како што е во случај на природни катастрофи. Сега можат да се видат првите фотографии.
Фотографија: ESA/ATG medialab
Први чекори
Само десетина дена по стартот во вселената, Сентинел -1 ја направи првата фотографија. Во согласност со европскиот проект, таа го прикажува белгискиот главен град Брисел.
Фотографија: ESA
Гигант кој се топи
Ова е фотографија на глечер на островот Пајн. Од таа гигантска маса на западниот Антарктик секоја година милијарди тони мраз завршуваат в море. Последица на глобалното затоплување: предниот дел од глечерот, според оценката на експертите, секоја година се намалува за еден километар.
Фотографија: ESA
Земјата долу
Каприви е област во североисточниот дел од Намибија. Во дождовниот период, од декември до март, реката Замбези поплавува многу делови од таа област. Со својата мрежа на водени текови, областа Каприви е единствена во Намибија во која преку цела година има вода, а со тоа и животни.
Фотографија: ESA
Најголема концентрација на истражувачи
Најсеверниот дел од Антарктикот го сочинува еден полуостров. Неговите планини се високи до 2800 метри и се сметаат за продолжение на јужноамериканските Анди. На антарктичкиот полуостров се наоѓа најголемата концентрација на истражувачки станици на континентот.
Фотографија: ESA
Мраз во движење
Аустфона на Свалбард во Норвешка, со своите 8.120 квадратни метри, е најголемиот глечер во Европа. Заедничките мерења на Сентинел-1 и Германскиот вселенски центар ДЛР покажаа дека таа област се движи десет пати побрзо отколку што досега се мислеше.
Фотографија: ESA/DLR/Gamma/University of Leeds/University of Edinburgh
Фотографија на имењакот
Овде со боја е означен островот Северен Сентинел, најзападниот Андамански остров во Индискиот Океан. Пристапот кон него од 1966. година е строго забранет. На него живеат припадници на племето Сентинел, кои упорно одбиваат секаков контакт со останатиот свет.
Фотографија: ESA
Најголемата солена пустина на светот
Салар де Ујуни е најголемата солена пустина во светот. Таа настанала пред повеќе од 10.000 години откако пресушило езерото. Салар де Ујуни се наоѓа на надморска височина од над 3.600 метри во југозападна Боливија.
