Индонезија, најголемата островска држава во светот, вчера ја надмина границата од еден милион инфицирани со коронавирус. 270-милионската земја досега има регистрирано 28.000 смртни случаи од или поврзани со Ковид-19. Од средината на јануари започна масовна вакцинација на населението со кинеската вакцина Синовак. За разлика од другите земји, по вработените во здравството и во јавните служби, прво ќе се вакцинираат помладите луѓе меѓу 18 и 59 години. Целта е стекнување општ, т.н. имунитет на стадо.