Демонстрантите опколиле возило на странска делегација на локација блокирана од полицијата, како што јави словенечката новинска агенција СТА, повикувајќи се на информации од полицијата. На Брдо кај Крањ денеска почнува самитот на ЕУ со Западен Балкан. Демонстрантите се обиделе да се доближат до хотел во кој е сместен дел од делегациите на ЕУ-самитот, но биле спречени од полицајците. Уапсени се повеќе демонстранти, меѓу кои и раперот Зоран Стевановиќ, претседател на малата протестна партија Resni.ca.

СТА јавува дека на протестите биле навредувани новинари, им биле упатувани закани и биле туркани. Неколку лица искршиле стаклена влезна врата на зградата на ТВ „Н1“, емисија која била во тек била прекината, зашто во студиото навлегол солзавец употребен од полицијата против демонстрантите во обид да ги спречат да влезат во објектот.

Со инциденца од 627 нови инфекции со коронавирус за 14 дена, Словенија во Германија се смета за земја со висок ризик од Ковид-19.