Воздушен „нокаут“ за Лукашенко
5 јуни 2021![Flughafen Frankfurt l Flugzeug l Fluggesellschaft Belavia (BLR) 737-8ZM](https://static.dw.com/image/57661826_800.webp)
ЕУ реагира со санкции поради тоа што белорускиот диктатор Александар Лукашенко пред две недели нареди присилно приземјување на авион на Рајанер за да го уапси опозицискиот новинар Роман Протасевич, заедно со неговата пријателка, кои оттогаш се наоѓаат во затвор.
Авионот на Рајанер се наоѓаше на лет од Атина кон Вилнус во Литванија, а Протасевич, кој живееше во егзил, се наоѓал на листа на барани лица во Белорусија.
ЕУ го осуди загрозувањето на безбедноста на летот и нападот врз слободата на печатот.
На белоруските авиокомпании од денеска веќе не им е дозволено слетување на аеродромите во ЕУ, ниту користење на воздушниот простор на членките на Унијата.
Државната белоруска авиокомпанија веќе ги откажа привремено летовите кон Германија, Полска, Италија, Австрија, Холандија, Шпанија и Белгија.
Меѓународната асоцијација за воздушен транспорт (ИАТА) со седиште во Женева ја критикува одуката на ЕУ.
Според ИАТА, забраната за прелети над трета земји претставува „политизација на воздушната безбедноста“ и „ретрограден и разочарувачки развој“.
Шефот на ИАТА Вили Валш изјави: „Неправда и неправда не прават правда. Политичарите никогаш не смеат под плаштот на безбедноста во воздушниот сообраќај, да спроведуваат политички или дипломатски агенди.“
ЕУ пак планира дополнителни економски санкции и казнени мерки против лица и институции учесници во акцијата во Белорусија. Постои единство дека треба да бидат избрани бранши и фирми кои по можност нема да го погодат цивилното население. Уапсениот Роман Протасевич во изминатите две недели двапати беше принуден да дава изјави во прилог на Лукашенко преку белоруската телевизија.