„Ова беше невреме што се случува само на секои пет до десет години“, истакнаа германските метеоролози по силното невреме со поројни дождови, грмежи и град што предизвика хаос во делови на Германија вчеравечер и во текот на ноќта.
Во некои градови како Франкфурт, Штудгарт или Ландсхут за многу кратко време имаше врнежи од 45 литри на квадратен километар. Под вода беа многу градски улици, подруми на куќи а целосно беше запрен железничкиот, трамвајскиот и автобускиот сообраќај.
Силните ветришта на многу места откорнаа дрва и покриви на куќите и зградите. Се јавува за илјадници повици до спасувачките екипи во текот на вечерта и ноќта, како и за бројни материјални штети но и повредени лица.
Југот на Германија под вода
Четири жртви, голем број повредени, цели населби и улици под вода. Големо невреме ја поплави јужна Германија.
Фотографија: picture-alliance/dpa/J. Heilgeist
Однесено со потокот
Во Браунсбах, во покраината Баден Виртемберг, по обилните дождови, два потока станаа подивени реки кои носеа сѐ пред себе. На пример, овој автомобил.
Фотографија: picture-alliance/dpa/F. Kraufmann
Не остана ни камен врз камен
Наносите блокираа улици во Браунсбах. Пожарникарите се обидуваа да ги расчистат купиштата земја и камења. Тоа може да се покаже и залудно, бидејќи метеоролозите најавуваат нови врнежи.
Фотографија: picture-alliance/dpa/F. Kraufmann
Луѓето во опасност
Три мажи се обидоа да ги спасат своите птици од кафез. Водата надоаѓаше толку брзо што и самите се најдоа во опасност. Спас побараа на покривот на куќичката за птици.
Фотографија: picture-alliance/dpa/Becker & Bredel
Вода насекаде
Водата ги преплави улиците во пониските предели. Оваа фотографија е направена во Ниртинген. Во тоа место дури имаше опасност и од уривање на покривот на една подземна гаража.
Фотографија: picture-alliance/dpa/A. Rosar
Се врати зимата
Одеднаш сѐ стана бело. Во Ансбах, во Баварија, земјата ја прекри мраз. Невремето го погоди целиот јужен дел на Германија.
Фотографија: picture-alliance/dpa/M. Neigenfind
Акција на спасувачите со трагичен крај
Во местото Швебиш-Гминд еден пожарникар се обиде да ослободи човек заглавен во подземен пешачки премин под пруга. При тој обид, водената стихија го зафати и него. И двајцата смртно страдаа.
Фотографија: picture-alliance/dpa/S. Friebe
Сѐ застана
Водената стихија толку оштети еден пат во Баден Виртемберг, што тој едноставно се распадна. Патот е затворен за сообраќај, а на надлежните единствено им остана да го одбележат ова опасно место.
Фотографија: picture-alliance/dpa/T. Warnack
Ново невреме на хоризонтот
Метеоролошката служба предвидува дека во регионот на јужна Германија, делови од Полска и Чешка привремено ќе дојде до благо разведрување. Но, над тоа подрачје во текот на наредните денови ќе се формираат нови облаци. Можни се и нови дождови и поплави.