Многу мигранти паѓаат во рацете на криминалците. На границата секоја година гинат стотици луѓе. И зад оградата не чека посакуваниот рај, па сепак стотици илјади луѓе годишно сакаат да преминат на американска страна.

Според најновите податоци од Мексико, откако е создадена Националната гарда, миграцијата во насока на САД е намалена за 36%. Мексико на почетокот на јуни се обврза да создаде Национална гарда која ќе ја сузбива миграцијата кон север, а за возврат избегна казнени царини со кои се закани американскиот претседател Доналд Трамп.