Како „Капетан Кирк“, Вилијам Шeтнер долго командуваше со вселенскиот брод Ентерпрајз. Сега иконата на „Ѕвездени патеки“ всушност беше во суборбитална мисија- со што стана најстарата личност што некогаш била во вселената.
Вилијам Шетнер во капсулата „Њу Шепард“Фотографија: imago images/Cover-Images
Реклама
За краток момент, научната фантастика речиси стана реалност: Иконата на телевизиската серија „Ѕвездени патеки“ Вилијам Шетнер навистина за првпат стигна до вселената. 90-годишниот канадски актер во вселенската капсула „Њу Шепард“ на компанијата Блу Ориџин на основачот на Амазон, Џеф Безос, од пустината во Тексас полета на десетминутен излет во вселената. Шетнер, кој стана прочуен по улогата „Капетан Кирк“ на вселенскиот брод „Ентерпрајз“, со тоа е најстариот астронаут во историјата.
Во сино астронаутско одело за летање, Шетнер се качи во целосно автоматизираната капсула заедно со тројца сопатници. Целта на вселенскиот брод беше да достигне висина од 106 километри - односно шест километри над таканаречената „Карманова линија“, која, кога погледнато од Земјата, го означува почетокот на бесконечното пространство на вселената. Капсулата потоа слета со падобран во пустината.
50 години култ кон „Ѕвездените патеки“
Генерации љубители на филмот ширум светот ги обожуваат „Ѕвездени патеки" и тоа нема наскоро да престане. Додека новото филмско продолжение се прикажува во кината, кус поглед кон минатото.
Фотографија: Reuters/ESO//L. Calcada
50 години „Ѕвездени патеки“
Култната серија започна во 1966 година под името „Ѕвездени патеки: Оригинална серија“. Беше запрена по само 79 епизоди поради мал интерес. Но тоа драматично се промени по слетувањето на Месечината во 1969. Во следните децении беа креирани уште пет серии, 13 филмови, видео игри, книги и стрипови.
Фотографија: Imago/AD
Историски бакнеж
Во 1968, меѓурасниот бакнеж меѓу Капетанот Кирк (Вилијам Шатнер) и Офицер Ухура (Нишел Николс, горе десно) ги возбуди конзервативците во САД. "Ѕвездени патеки“ промовираа утописка визија на светот без расизам. Николс беше првата Афро-американка која доби водечка улога во филмската историја на САД.
Мистер Спок, половина човек и половина Вулканец, е офицер-научник на ѕвездениот брод Ентерпрајз. Долго беше портретиран од Леонард Нимој, кој почина во 2015. невообичаената фризура на ликот инспирираше многу тинејџери.
Фотографија: picture-alliance/CBS/Landov
Клингонски- најпопуларниот непостоечки јазик
Лингвистот Марк Окранд го измисли јазикот на Клингонците, кои живеат на планетата Кронос, во 1984. Клингонскиот има свој посебен речник и граматика, и тоа мотивираше многу вљубеници да го научат јазикот. Некои фанови дури креираа и поп-музика на клингонски.
Фотографија: picture-alliance/dpa/UIP
Фановите продуцираат сопствени филмови
„Трекис“ се најлојалните фанови на „Ѕвездените патеки“. Јирген Кајзер (35) е хардкор Треки и не можеле да се помири дека ТВ-серијата престана да се продуцира во 2005. Одлучил самиот да направи филм. Седум години подоцна успеа да го заврши едночасовниот филм наречен „Почеток на крајот“.
Фотографија: DW/H.Kiesel
„Трекис“- документарец
Роџер Нигард ја прикажа неверојатната возбуда на фановите во неговиот документарец од 1997 „Трекис“. Фановите страсно дискутираат за „Ѕвездените патеки“ и објаснуваат зошто тоа е „повеќе од забава“. Се облекуваат како ликовите од серијата, зборуваат клингонски и организираат конвенции.
Фотографија: Imago/teutopress
Погреб во вселената
Авторот на „Ѕвездените патеки“ Џин Роденбери беше меѓу првите луѓе чии кремирани посмртни останки беа лансирани во вселената. Американската компанија „Селестис“ нуди вселенски погреб. Мали урни со седум грама пепел се лансираат во вселената на оддалеченост од 550 до 800 километри.
