Самба, луди костими и бурни забави: поради бранот на сојот Омикрон на коронавирусот, уличниот карневал во Рио годинава мораше повторно да биде откажан. Но, сега радоста се враќа во бразилската метропола.
Реклама
Веројатно најпознатиот карневал во светот најнапред поради пандемијата мораше да биде откажан во 2021 година. Годинава пак во јануари, поради зголемениот број на ковид случаи предизвикани од сојот Омикрон, уличниот карневал во Рио де Женеиро повторно беше откажан. Сепак, плановите за легендарните поворки во Самбодром опстојуваа. Таму, имено полесно се спроведуваат контроли за заштита од инфекција. Сега прочуенатра парада на школите за самба ќе се одржи на празникот Тирадентес на 21 април. Подготовките на школите за самба се во полн ек а жителите на градот се пресреќни дека повторно ќе можат да бидат дел од „најголемата забава во светот“.
Од Рио па до Рајна: Kарневали ширум светот
„Петтото годишно доба“ се ближи кон својот врв, карневалските поворки се веќе почнати или се подготвуваат, луѓето се костимираат, излегуваат на улиците и слават... до изнемоштеност!
Фотографија: Reuters
Рио де Жанеиро, Бразил
Многу разголени тела, штрас и самба - тоа се состојките на најпознатиот светски карневал. Речиси 90.000 гледачи седат шест вечери на трибините и ја следат парадата на карневалските школи за самба. Потоа се продолжува со славје - на улиците, во кафеаните, а и приватно.
Фотографија: picture-alliance/dpa/Citypress24
Мајнц, Германија
Во Германија е обичај во карневалскиот четврток жените да се нафрлат на мажите, да им ги сечат вратоврските и да ги бакнуваат (главно во образ). Уличниот карневал во градовите по течението на Рајна е шарен, весел, опуштен. Во поворките во карневалскиот понеделник сѐ станува политизирано - низ градовите проаѓаат карневалски возила со сатирични мотиви. А во т.н. Среда пепелница сѐ се смирува.
Фотографија: picture alliance/dpa/A. Arnold
Венеција, Италија
Првпат овој фестивал на скапоцени маски се споменува во 1286. година. Дали во карневалски поворки или на различни маскенбали во палатите на Венеција, секој може под маската, инкогнито, да се препушти на трансот.
Фотографија: picture-alliance/AA/B. Seckin
Базел, Швајцарија
Граѓаните на Базел за време на карневалот излегуваат на улици со историски маски, труби и пиколо-флаути. Сѐ трае 72 часа - од понеделник во четири часот утрото, па до четврток.
Ова е карневал со бројни фолклорни обележја. Во Мохач, во јужна Унгарија, со векови е обичај зимата да се „истерува“ со помош на дрвени маски и костими од овча кожа. Од 2009. година Мохачкиот карневал е дел од Културното наследство на УНЕСКО.
Фотографија: picture-alliance/dpa/MTI/T. Soki
Оруро, Боливија
Овој карневал се одржува таму каде потешко се дише: провинцискиот град Оруро се наоѓа на надморска височина од 3700 метри. Рачно изработените маски и традиционалните костими се заштитен знак на поворката која се движи низ градските улици цели три дена, а обично симболички ја претставува борбата меѓу доброто и злото.
„Мрсен вторник“ е кулминација на карневалот во Њу Орлеанс. Посебно во францускиот кварт, каде се слави под оригиналното француско име „Марди грас“. Дречливите шарени костими и џез-музиката се главни обележја на поворката.
Фотографија: picture-alliance/dpa/D. Anderson
Порт оф спејн, Тринидад и Тобаго
Лесна е претпоставката дека на карневалот во земјите на Карипскиот архипелаг се гледа доста голотија, се пие многу рум и се слуша многу калипсо.
Фотографија: picture-alliance/dpa/EPA/A. De Silva
Квебек, Канада
Карневал на минус 30 степени! Тука помага единствено „карибу“, односно мешавина од бренди, вотка, шери и вино. „Карибу“ како традиционален пијалок спаѓа во заштитните знаци на карневалот во Квебек, а неговата постојана маскота е фигурата од снег Боном Карнавал. На овој карневал се одржуваат и разни спортски натпревари во снег.
Фотографија: picture-alliance/empics/J. Boissinot
Боноа, Брегот на Слоновата Коска
Карневал во Африка? Да, секоја година во април десетици илјади луѓе пристигнуваат во малиот град Боноа на јужниот дел од Брегот на Слоновата Коска за да слават „Попо-карневал“, односно „Карневал под маски“. Во него учествуваат и хомосексуалци, иако хомосексуалноста инаку е табу-тема.