Англискиот изговор на „Елизабет“ се чини не е проблем само за јазикот на Германците. И кралицата додека била дете имала проблем да си го изговори името, па велела дека се вика „Лилибет“. Елизабета Втора така била нарекувана од нејзините најблиски сѐ додека не станала млада дама. На таквото нарекување дефинитивно му бил ставен крај кога седнала на тронот во 1952 година.

Чичкото на Елизабета, Едвард, идната кралица радо ја нарекувал „Ширли Темпл“. Наводно поради тоа што со своето тркалезно лице и кадравата коса многу личела на американската дете-ѕвезда.

Кога принцот Вилијам бил мало дете, како на фотографијава при крштевката на својот брат Хари, имал проблем со зборот „Грени“ (англиски збор за баба). Наместо тоа, тој својата баба едноставно ја викал „Гери“. Машко име, па уште и толку обично? Тоа Елизабета сигурно му го дозволувала само на својот внук.

И за синот на принцот Вилијам - Џорџ, „Грени“ очигледно бил многу компликуван збор. Тој на две и пол годишна возраст својата прабаба имал обичај да ја вика „Ган-Ган“. Така барем тврди војвотката Кејт во една документарна емисија за кралското семејство. Малиот принц во јули ќе наполни 5 години, па веројатно веќе не го употребува тоа име.

Принцот Филип и кралицата Елизабета се во брак подолго од 70 години. Некако цело време беше јасно дека тој не ја нарекува „кралица“ или „Ваше Височество“. Но дури минатата година се дозна кое е неговото име за кралицата. Принцот својата сакана ја нарекува „Кебиџ“ (главица зелка). Зошто? Околу тоа може само да се шпекулира.

Американскиот претседател Џо Бајден во јануари ја прими втората доза вакцина од Бионтек/Фајзер. До средината на април, според податоците на Американските центри за контрола и превенција од заразни болести, во САД најмалку 120 милиони граѓани примиле прва доза вакцина, а преку 70 милиони се целосно имунизирани.

Израелскиот премиер Бенјамин Нетанјаху исто така прими вакцина од Бионтек/Фајзер. Израел има на располагање милиони вакцини преку договор со Фајзер, кој предвидува давање медицински податоци на фармацевтскиот концерн за возврат. До средината на април, 53% од 9 милиони жители на Израел се имунизирани со вакцината на Бионтек/Фајзер. Израел главно ги укина рестрикциите воведени поради пандемијата.

Индискиот премиер Нарендра Моди на 1 март бил имунизиран со вакцината Коваксин, произведена во Индија. Во земјата први на ред за вакцинација се вработените во здравството, на првата линија во борба против Ковид-19 и хронично болните. Индија во моментов е втора во светот според бројот на случаи на заболени од Ковид-19, по најновиот пораст на нови инфекции.

Британскиот премиер Борис Џонсон ја прими првата доза од вакцината на АстраЗенека во март. Таа е развиена во соработка со Универзитетот Оксфорд и во моментов е во фокусот поради низа контроверзи. Неколку земји ја прекинаа нејзината употреба поради случаи на згрутчување на крвта кај вакцинирани со оваа вакцина.

Францускиот премиер Жан Кастекс беше вакциниран со АстраЗенека во истиот ден со британскиот колега Борис Џонсон. Тој тоа го направи пред телевизиските камери, со цел да ја врати довербата во оваа вакцина кај граѓаните.

На австралискиот премиер Скот Морисон му беше инјектирана вакцината на Бионтек/Фајзер. Тој тврдеше овој месец дека Австралија во вакцинацијата ги надминала Германија, Нов Зеланд, Јужна Кореја и Јапонија. Но, сепак тој се откажа од својата цел – сите Австралијци да бидат целосно имунизирани до крајот на оваа година.

Турскиот премиер Ердоган пред камерите се вакцинираше со кинеската вакцина Синовак во јануари. Целта на јавното вакцинирање беше да ги мотивира граѓаните да се имунизираат. Во Турција досега се дадени околу 19 милиони дози вакцини, главно Синовак, додека вакцинирањето со Бионтек/Фајзер почна на 2 април.

Индонезискиот претседател Јоко Видодо ја прими вакцината Синовак. Втората доза му беше дадена на 27 јануари, настанот беше пренесуван во живо на телевизијата. Владата планира со вакцинација на 181 милион жители да заврши во следната година.