Познатите канали на Венеција оживуваат кога, за време на водената парада, низ нив минуваат разнобојните бродови. Годинешното отварање беше проследено со перформанс на вода. Во чест на океанот и месечината, митската „Кралица на морето“ излезе од водите на централниот канал Канареџио во придружба на фантастичните морски суштества.

Според организаторите, целта на шоуто била славење на „убавината и морето“ - што беше дел од големото отворање на еден од најпознатите карневали во светот. Дел од изведувачите, со сини крилја инспирирани од пеперутките висеа во воздухот додека под нив поминуваа гондоли кои носеа факели.

Се смета дека Венецискиот карневал се оддржува од 1162 година. По неколку децениска пауза, истиот почна одново да се оддржува во 1980 година. Додека се оддржува карневалот, Венеција - град со 850.000 жители - ја посетуваат околу 3 милиони туристи.

За разлика од другите карневалски прослави, на кои главно има забавни паради со танчери и кловнови, прославата во Венеција секогаш е опкружена со чувство на мистерија. Прославата вклучува бал на маски, паради со гондоли, натпревар за убавина и други помали прослави низ градот.

Детално маскираните луѓе се движат низ мрежата на канали во градот. Костумите се изработуват од лускузни материјали и свила, а фамозните венецијански маски се неопходни за секоја карневалска група.

Постојат повеќе видови на маски: „Баута“ е целосна, позлатена маска која е дизајнирана да му овозможи на оној кој ја носи да зборува, јаде и пие без да треба да ја извади. „Коломбина“ е полумаска која често е декорирана со сребро, злато и пердуви. Иако денес и двете видови маски ги носат и мажи и жени, во минатото „баута“ била наменета за мажите.

Веселбарите се собираат во познатото кафуле Флориан на плоштадот Св. Марко. Најпознатиот настан на карневалот можеби е таканаречениот „лет на ангелот“ кој вообичаено се случува викендот пред Дебелелиот четврток - католичката гозба со која се одбележува последната можност да се јаде и да се весели пред почетокот постовите.

При оддржувањето на традиционалната прослава чии корени можат да се најдат во ренесансниот период, победникот од натпреварот за убавина кој се одржал претходната година се спушта со јаже од кулата на Св. Марко среде насобраните луѓе на плоштадот.

Официјалните лица изјавија дека за осигурувањето на безбедноста на карневалот се поставени антитерорситички единици на клучните локации низ центарот на градот каде се очекува да се соберат илјадници луѓе да ги гледаат настапите и парадите. Автор: Н. Бергхаузен