Етна, најактивниот европски вулкан, во последните денови ги изненади дури и искусните вулканолози со спектакуларно исфрлање лава секоја ноќ.

Последната ерупција се случила вчера, соопшти италијанскиот Национален институт за геофизика и вулканологија. Повеќе од една недела Етна редовно исфрла лава, пепел и вулкански камења.

Вулакнологот Борис Бенке од Националниот институт кој се занимава со набљудување на Етна вели дека вулканот имал ерупција каква што искусните вулканолози ретко виделе во последните децении

Аеродромот во Катанија, кој се наоѓа во близината на вулканот, е привремено затворен. Нема информации за материјална штета или за повредени.