На италијанската страна на Мон Блан, големи делови на глечер во топење се движат кон блиската долина. Постои ризик од тешко расцепување на мразот. Властите веќе евакуираа 70 лица во регионот.
Фотографија: picture-alliance/dpa/S. Bertolino
Реклама
Според експертите, околу 500.000 кубни метри мраз би можеле во лавина да паднат во долината - што е приближно еквивалентно на 200 полни олимписки базени. Мразот на глечерот Планпенсије започна да се топи и придвижува заради големите температурни разлики во изминатите неколку дена. Глечерот под Мон Блан, највисокиот врв на Алпите, сега преставува голема закана за блиската населба Курмајор во долината Аосте. Властите спроведоа итна евакуација на мештаните и на туристите и соопштија дека наредните 72 часа ќе бидат критични.
Во трка со топењето на глечерите
Не само што се еколошки важни, туку глечерите претставуваат и архива на историјата на климата. Во Австрија научниците се обидуваат што поскоро да ги проучат, пред да се стопат.
Фотографија: Reuters/L. Niesner
Убави, загрозени...
Со снег покриени планини ја опколуваат Горска долина во западна Австрија. Тамошните алпски глечери реагираат посебно чувствително на промената на климата и се топат побрзо од останатите. Нивното значење не е само еколошко.
Фотографија: Reuters/L. Niesner
... и полни со информации
Глечерите истовремено претставуваат и леден архив. Во нив се содржани информации за климата во изминатите столетија. Андреа Фишер, научник која ги истражува глечерите, со години со својот тим ги проучува податоците.
Фотографија: Reuters/L. Niesner
Работа на терен
Научниците продираат длабоко во мразот на глечерите. Тие имаат подигнато базна станица на Белиот врв, висок 3.526 метри, во студот и снегот. Навистина студена професија!
Фотографија: Reuters/L. Niesner
Тунел во минатото
Во внатрешноста на глечерот научниците трагаат по стар мраз. Нов не наоѓаат, зашто е веќе стопен. „Се наоѓаме отприлика кај 1920 година. Остатокот е веќе загубен, се` од 1920 наваму“, вели Андреа Фишер од Институтот за инстердисциплинарни геолошки истражувања во Инсбрук.
Фотографија: Reuters/L. Niesner
Стар мраз - стара клима
Фишер смета дека мразот може да е стар меѓу 3.000 и 5.000 години. Тој содржи пред се` детални информации околу врнежите. Овде е компресиран со векови стар снег, а слично како и кај прстените на стеблата на дрвјата, може да се идентификува снегот таложен од година во година.
Фотографија: Reuters/L. Niesner
Екстремна густина на податоците
Научниците од Инсбрук продупчиле до дното на глечерот, за да земат проби од мразот. Долните слоеви се со поголема густина од горните, што значи еден метар мраз во себе може да содржи податоци од илјадници години. „Но, немаме многу време на располагање“, вели Фишер. Глечерот наскоро може да се стопи.
Фотографија: Reuters/L. Niesner
Со тешка механизација
Еколошкиот физичар Паскал Болебер од австрискиот Институт за интердисциплинарни геолошки истражувања со моторна пила пресекува проба од мраз од глечерот Шауфелфернер. Пробите со хеликоптери се транспортираат во лабораторија.
Фотографија: Reuters/L. Niesner
Утврдување старост со инфрацрвени ласери
А колку е стар мразот? Тоа се одредува во лабораторија со помош на ласери со инфрацрвени зраци. Научниците го екстрахираат гасот аргон од воздушните меурчиња настанати во мразот. Преку концентрацијата на аргон можат да ја одредат староста на воздухот и со тоа и староста на мразот.
Фотографија: Reuters/L. Niesner
Трка со времето
Бидејќи глечерите се топат се` побрзо, на научниците не им останува многу време за собирање на податоци. Притоа, тие податоци се екстремно важни за истражувачите на климата.
