Масовното корона-тестирање во Пекинг е проширено на речиси сите 21 милиони жители на градот. Денеска со масовно тестирање почнаа уште 11 градски општини.

Кинескиот главен град денеска јавува за само 33 новоинфицирани, но постои страв дека и Пекинг ќе го снајде повеќенеделен локдаун како Шангај. Поради тоа, жителите на Пекинг панично купуваат храна.

Пред супермаркетите има долги редици, а на полиците честопати речиси и нема намирници. Особено се барани намирници кои може да траат подолго. На оваа фотографија жителка на Пекинг стои пред испразнетите полици со тестенини во супермаркет во квартот Чаојанг во Пекинг.