На традиционалната полноќна миса на Бадник, со која почна прославата на Божик, раѓањето на Исус Христос, според Грегоријанскиот календар, синоќа папата Франциско упати апел да се сакаат ближните и да се негува гостопримството. Исто како некогаш Марија и Јосиф, денес милиони луѓе се принудени да ја напуштат својата татковина, „зашто се протерани од својата земја. Во многу случаи бегството е во надеж за подобар живот, но во многу случаи тоа има само едно име: преживување“, рече поглаварот на Римокатоличката црква. Никој на овој свет не треба да чувствува дека за него нема место во него, истакна 81-годишниот папа, роден во Аргентина како син на италијански доселеници. На #ФотографијаНаДенот: папата Франциско ја бакнува статуата на бебето Исус во базиликата Свети Петар во Рим.