Според проценката на истражувачите на Универзитетот во Нов Јужен Велс во Сиднеј, најбројна меѓу птиците се домашни врапчиња, кои ги има 1,6 милијарди, а уште три останати најраспространети видови птици имаат популација од над една милијарда.

Меѓутоа, поголемиот дел од видовите птици се ретки, со околу еден од 10 вида со помалку од 5.000 единки, велат авторите на истражувањето и додаваат оти овој приказ на глобалната популација на птиците ќе помогне во напорите за зачувување за да се спасат птиците од изумирање. Според нивните податоци популацијата на птици се намалува насекаде во светот, дури и кај најраспространетите видови, како врапчињата. 

„Броењето бројот на птици во светот е сложена задача, без конечни одговори. Во минатите груби проценки имаше 200 до 400 одделни птици извлечени од 10.000 до 13.000 видови птици“, вели еден од авторите на студијата.

Студијата сугерира дека поголемиот број птици се наоѓаат во северната хемисфера - во Европа, северна Азија, северна Африка, во делови од Арапскиот полуостров и во Сверна Америка.