Во судската сала која наликува на тврдина обезбедувана од војници, процесот против обвинетиот полицаец Дерек Шовин, кој се наоѓа на слобода со кауција, почна со пролонгирање на изборот на поротници.

Смртта на Флојд на 25 мај 2020 година, посведочена со видео снимено со мобилен телефон, ја разбранува не само американската, туку и светската јавност и предизвика револт и бурни протести. Шовин на улица при апсење околу девет минути со колено го притискаше вратот на Џорџ Флојд, осомничен за поседување фалсификувани пари, иако тој повеќе од 20 пати се жалеше дека нема доволно воздух. Реченицата на Флојд: „Не можам да дишам“ стана мото на движењето „И животите на црните луѓе се важни“, насочено против полициската бруталност и расизам. Протестите со недели ги потресуваа САД, а на почетокот на судскиот процес пред судот повторно се собраа демонстранти, барајќи праведна казна за убиството на Флојд.