Двојните кули од знаменитоста на Келн заедно и целосно да се овековечат на една фотографија и не е така лесен потфат. Келнската катедрала е висока 150 метри и со тоа е третата највисока црква на светот. Изградбата траела повеќе од 500 години, но вредело: готската градба се вбројува меѓу најпосетуваните знаменитости во Германија.

Купола која тежи тони, а сепак изгледа како да лебди. По нејзиното уништување во Втората светска војна, Женската црква во Дрезден била обновена со донации од цел свет. Како и за време на нејзиното прво отварање во 1743 година, таа сега е составен дел од панорамата на градот.

Маркантната кула со бакарен покрив од 17. век наваму на морнарите им го покажува патот кон Хамбург. Црквата Свети Михаил, која локалното население едноставно си ја нарекува „Михел”, се смета за најубавата барокна црква во северна Германија.

Мало гратче, голема црква! Кулата на големата манастирска црква (минстер) во Улм достигнува 161,53 метри височина и со тоа е највисоката камбанарија на светот. Посетителите мора да се во навистина добра кондиција за да ги искачат 768-те скали кои водат до врвот. Наградата е прекрасен поглед околу црквата, а кога е добро времето од неа се гледа дури до Алпите.

Старата камбанарија потсетува на уништувањата во Втората светска војна, а новата на напорите вложени во повторната изградба. „Кармин и кутивче за пудра" е прекарот кој Берлинчани ѝ го дале на меморијалната црква Крал Вилхелм при нејзиното повторно отворање во 1961 година. Денеска таа е знаменитост на западниот дел од градот.

Карло Велики го поставил камен-темелникот за катедралата во 800 година и ја направил центар на своето кралство. Како поранешно место за крунисување на кралевите, таа се вбројува меѓу најважните цркви во Европа. Катедралата во Ахен во 1978 година е прва градба во Германија која бил прогласена за светско културно наследство од страна на УНЕСКО.

Катедралата е најмладиот носител на титулата светско културно наследство во Германија откако во 2018 година како 43-ти споменик беше ставена на листата од Унеско. Скулптурите од глина на непознат уметник кои изгледаат како да се живи, се сметаат за најубавиот дел од оваа романско-готска катедрала.

Женската црква во Минхен е во срцето на баварската метропола и се гледа уште од далеку. Во нејзина близина не смее да се гради ниту еден објект повисок од 100 метри, за да може да се задржи силуетата на Минхен. Маркантните кули за пример ја имаат катедралата во Ерусалим и затоа ги викаат „Туѓи кули".

Столбови декорирани со палми ја красат внатрешноста на црквата. Но, една стои и пред неа како споменик за мирната револуција во есента 1989 година. Црквата Николај тогаш беше појдовна точка за понеделничките демонстрации, кои беа почеток на крајот на комунистичката Германска Демократска Република и најава за обединувањето на двете Германии.

40 цркви има во градот Хилдесхајм во Долна Саксонија. Катедралата Света Марија е стара 1200 години и е вистински украс од романската архитектура. Во дворот на катедралата расте илјадагодишна грмушка рози, за која научниците сметаат дека сепак е „само” 700 години стара – но, кој ли ќе ситничари при вакви бројки?

На брегот на Боденско езеро се наоѓа ова барокно здание. Од надвор црквата изгледа прилично скромно, но внатре се покажува сиот нејзин раскош со безбројни фигури на ангели, фрески и украси. Часовникот на кулата е од 1750 година и е најстариот ваков часовник во Германија кој и натаму е во функција.

Од лева страна катедралата на Марија, од десна црквата Севери. Впечатливиот ансамбл царува на ридот над историскиот дел од градот Ерфурт. Или граѓаните биле особено богоугодни, или пак имале вишок пари, но резултатот е во секој случај впечатлив: најубава готика во во двојно пакување.

40 проценти од испитаниците жени немаат проблем да подарат и нешто што веќе се користело. Со такво нешто се согласуваат и една третина од испитаниците мажи во истражувањето на Ипсос. Според истражувањето, 11 проценти од испитаниците не купуваат воопшто подароци за Божик.

Германците во просек годинава за подароци потрошиле по 472 евра, покажа истражувањето на Сојузот за трговија ХДЕ. Тоа се околу седум евра повеќе отколку во 2017 година и пет евра помалку отколку во 2016-та. Се очекува промет од вкупно 100 милијари евра.

Најомилениот подарок за Божик се ваучерите. Годинава, според ХДЕ, секој втор Германец подарил ваучер. Особено се омилени купоните за книги, накит, концерт и театар. Практично и едноставно! Според институтот за истражување на пазарот ГфК, за Божик годинава се подариле ваучери во вредност од 1,8 милијарди евра!

Ги има и нив! Секој трет Германец подарува облека, играчки и кеш. При купувањето важни аспекти се одржливоста и квалитетот. Се подаруваат и слатки, спортски апарати, играчки, накит, парфеми...

Купувањето божиќни подароци почнува уште во ноември. И Германците како и останатите купуваат онлајн цел еден викенд. Тие на т.н. Црн петок и Сајбер понеделник потрошија околу 1,8 милијарди евра.

По дарувањето доаѓа враќањето. По Божик се враќаат над 40% од подароците купени онлајн. Притоа, жените се многу понезадоволни од она што го добиле. Тие учествуваат со 79% во вратените подароци, а мажите само со 21%, откри консултантската фирма Делојт.

За предбожиќниот период и за Божик годинава се произведени 145 милиони чоколадни Дедомразовци. Чисто математички, тоа значи по 1,7 парчиња за секој Германец. Во меѓувреме веќе е почнато производство на чоколадни зајаци за Велигден.