Јубилејна десетта година по ред финалниот Ф4 турнир во Лигата на шампионите во ракомет се одржува во Келн. Прекрасната Ланксес арена била сведок на врвен ракомет, драматични моменти и спортски чуда.
Фотографија: AMG
Реклама
Едно од тие чуда беше победата на РК Вардар во финалниот турнир пред три години. Македонскиот ракометен шампион и годинава ќе се обиде од улога на аутсајдер да го повторни успехот од 2017 година. Противник во полуфиналниот меч е екипата на фаворитот Барселона која е еден од најредовните учесници на Ф4 турнирот во Келн. Сепак Вардар е единствениот клуб кој успеал трипати едно по друго да обезбеди место на „ракометото славје“ во Ланксес арената. Посакуваната победа над Барселона ќе значи пласман во финалето каде противник ќе биде подобриот од дуелот меѓу полскиот Кјелце и унгарскиот Веспрем. Ланксес арената е секогаш подготвена за ново чудо.
За загревање потсетуваме на убавите моменти од прет три години:
Еуфорија по големиот ракометен успех на Вардар
Еуфорија по големиот ракометен успех на Вардар
Фотографија: DW/Petr Stojanovski
„Ој, Вардаре македонски“...
... ечеше од грлата на граѓаните дојдени во центарот на Скопје да ја прослават големата победа. Татнеж и ечење на сирени имаше до доцна во ноќта.
Фотографија: DW/Petr Stojanovski
Шампионите ги згреаја срцата...
... на илјадници граѓани. Вардар нѐ обедини! Ова ни беше потребно, може да се прочита во коментарите на социјалните мрежи.
Фотографија: DW/Petr Stojanovski
Успех за паметење
Титулата на Вардар е еден од најголемите успеси на македонскиот спорт. Македонија е шестата земја која има победник во Лигата на шампионите, покрај Шпанија, Германија, Франција, Словенија и Полска.
Фотографија: DW/Petr Stojanovski
Исполнување на сонот
Долго ќе се прераскажува драмата во два чина - полуфиналето против Барселона со победа од 26:25, а потоа и финалето против ПСЖ со триумфални 24:23. Вардар е на тронот, а тоа на крајот е единствено важно!
Фотографија: DW/Petr Stojanovski
Импресивна сезона
Ракометарите на Вардар остават зад себе сезона за паметење со четири освоени победнички пехари: во првенството и во Купот на Македонија, во СЕХА лигата и во Лигата на шампионите. Тоа навивачите знаат да го ценат.
