Одликувањето го доделува британската водечка добротворна ветеринарна организација, ПДСА. Орденот е споредлив со највисокото цивилно признание на Обединетото Кралство, Крстот на Свети Ѓорѓи.

Седумгодишниот глодар бил обучен од белгиската хуманитарна организација „Апопо“, со седиште во Танзанија, која уште од 90-тите години обучува огромни африкански торбести стаорци, познати како „херојски стаорци“, да откриваат нагазни мини и туберкулоза кај луѓето.

Стаорците се обучени да го користат своето извонредно чувство за мирис за да детектираат хемиски соединенија во експлозивите и да го игнорираат металот во земјата.

Ангажманот на Магава и други тренирани глувци, спасил многу човечки животи во Камбоџа, која сеуште страда од последиците на децениските интерни конфликти. Во земјата меѓу 1975 и 1998 година се поставени милиони нагазни мини, чии жртви станаа десетици илјади луѓе.